Por Orde do 14 de setembro de 2011, publicada no Diario Oficial de Galicia número 186, do 28 de setembro, convocouse a provisión, polo sistema de libre designación, dos postos de traballo vacantes na Consellería de Facenda que se detallan no anexo desta orde.
De conformidade co establecido nos artigos 17.4 e 29.2 do Decreto lexislativo 1/2008, do 13 de marzo, polo que se aproba o texto refundido da Lei da función pública de Galicia e, no Decreto 93/1991, do 20 de marzo, que aproba o Regulamento de provisión de postos de traballo, promoción profesional e promoción interna, e demais normativa vixente, esta consellería,
DISPÓN:
Primeiro. Resolver a convocatoria pública efectuada pola Orde desta consellería do 14 de setembro de 2011 e designar os/as funcionarios/as cuxos datos se sinalan no anexo desta orde para ocupar os postos que tamén se especifica.
Segundo. O cesamento no actual destino efectuarase, segundo o previsto no artigo 14, do Regulamento de provisión de postos de traballo, promoción profesional e promoción interna, aprobado polo Decreto 93/1991, do 20 de marzo, no prazo de tres días contados a partir do seguinte ao da publicación no Diario Oficial de Galicia ou segundo o establecido na normativa de aplicación na súa Administración de orixe.
O prazo para tomar posesión do novo destino é de tres días a partir do seguinte ao do cesamento, de tratarse da mesma localidade onde preste servizos actualmente a persoa, ou dun mes se radica en distinta localidade ou de reingreso ao servizo activo, de conformidade co disposto no referido precepto e a base sétima da convocatoria.
O cómputo dos prazos de toma de posesión iniciarase cando rematen os permisos ou licenzas que, de ser o caso, se concedesen á persoa; no caso de incapacidade temporal a partir da data da alta.
Terceiro. A xefatura de persoal do centro onde cause baixa o funcionario ou funcionaria, así como a daquel en que acada o destino, efectuarán, dentro dos prazos sinalados no punto anterior, as dilixencias de cesamento e de toma de posesión e, deseguido, realizaranse os trámites para a súa alta na nómina.
Da dilixencia efectuada remitirase copia á Dirección Xeral da Función Pública da Consellería de Facenda.
Contra esta orde, que esgota a vía administrativa, poderase interpoñer recurso potestativo de reposición perante esta consellería, no prazo dun mes contado a partir do día seguinte ao da súa publicación no Diario Oficial de Galicia, de conformidade co disposto no artigo 116 da Lei 30/1992, do 26 de novembro, de réxime xurídico das administracións públicas e do procedemento administrativo común ou, directamente, recurso contencioso-administrativo no prazo de dous meses desde a mesma data, perante o xulgado do contencioso-administrativo competente, conforme os artigos 8 e 14 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 29 de novembro de 2011.
Marta Fernández Currás
Conselleira de Facenda
ANEXO
– Datos do funcionario:
Nome e apelidos: Víctor Manuel Martínez Lago.
Número de rexistro de persoal: 3281439446 A207F.
Corpo ou escala: corpo de xestión da Administración da Xunta de Galicia, escala técnica de finanzas, especialidade técnica de contabilidade e intervención.
Subgrupo: A2.
Datos do posto de traballo:
Denominación: Xefatura do Servizo de Fiscalización e Contabilidade II.
Nivel: 28.
Código: FCC030001815770012.
Centro directivo ou dependencia: Intervención Xeral da Comunidade Autónoma.
Localidade: Santiago de Compostela.
– Datos da funcionaria:
Nome e apelidos: Valentina Ledo Vázquez.
Número de rexistro de persoal: 7662321768 A207F.
Corpo ou escala: corpo de xestión da Administración da Xunta de Galicia, escala técnica de finanzas, especialidade técnica de contabilidade e intervención.
Subgrupo: A2.
Datos do posto de traballo:
Denominación: Xefatura do Servizo de Fiscalización e Contabilidade.
Nivel: 28.
Código: FCC030001915770005.
Centro directivo ou dependencia: Intervención Xeral da Comunidade Autónoma.
Localidade: Santiago de Compostela.
– Datos do funcionario:
Nome e apelidos: José Luis Pereira Álvarez.
Número de rexistro de persoal: 3278209424 A207F.
Corpo ou escala: corpo de xestión da Administración da Xunta de Galicia, escala técnica de finanzas, especialidade técnica de contabilidade e intervención.
Subgrupo: A2.
Datos do posto de traballo:
Denominación: interventor habilitado.
Nivel: 28.
Código: FCC030003036560005.
Centro directivo ou dependencia: Intervención Xeral da Comunidade Autónoma.
Localidade: Vigo.
– Datos da funcionaria:
Nome e apelidos: María José Villaverde Gómez.
Número de rexistro de persoal: 3330170057 A207F.
Corpo ou escala: corpo de xestión da Administración da Xunta de Galicia, escala técnica de finanzas, especialidade técnica de contabilidade e intervención.
Subgrupo: A2.
Datos do posto de traballo:
Denominación: Xefatura do Servizo de Custos de Persoal.
Nivel: 28.
Código: FCC040000415770005.
Centro directivo ou dependencia: Dirección Xeral de Orzamentos.
Localidade: Santiago de Compostela.
