Aprobada inicialmente polo Concello Pleno, en sesión do 28 de novembro de 2011, a modificación puntual do planeamento xeral no núcleo de Delvezón, por instancia de Isaías Pérez Prieto, e de conformidade co disposto no artigo 85.2 da Lei 9/2002, do 30 de decembro, de ordenación urbanística e protección do medio rural de Galicia, modificada pola Lei 15/2004 e pola 2/2010, sométese á información pública polo prazo de dous meses mediante anuncio que se publicará no DOG e nos xornais La Región e La Voz de Galicia, computando o dito período desde o día seguinte ao da publicación deste anuncio no DOG, co fin de que se poida examinar o seu contido e presentar as alegacións ou observacións que se consideren convenientes.
Queda suspendido o outorgamento de licenzas dentro do ámbito afectado (grafado nos planos da documentación da modificación), isto é, o núcleo rural de Delvezón, a suspensión terá unha duración máxima de dous anos, contados desde a dita aprobación, e en calquera caso extinguirase coa aprobación definitiva da citada modificación.
Vilamarín, 29 de novembro de 2011.
Amador Vázquez Vázquez
Alcalde