Corrección do anuncio publicado no DOG núm. 181 o mércores 21 de setembro de 2011, páx. 27918: «Anuncio de ficheiros de datos do Verbum».
Aplícase a información publicada no dito anuncio, segundo o artigo 20 da Lei orgánica 15/1999. A creación de ficheiros de datos do Museo Verbum-Casa das Palabras:
Usuarios do Museo, cuxa finalidade é a prestación de servizos de comunicación de novas actividades. Contén datos de usuarios do museo obtidos por medio dunha ficha e proporcionados polo propio usuario. Neste ficheiro incluiranse nomes de usuarios, teléfonos e enderezos de correo electrónico.
Control de accesos, cuxa finalidade é a de controlar as persoas que acceden ás zonas do museo non abertas ao público. Contén nomes de persoas que acceden ao museo. Estes datos recóllense de forma verbal e anótanse nunha ficha de acceso.
Comunicación, cuxa finalidade é a de informar os nosos colaboradores da programación do museo. Contén datos de contactos do museo proporcionados polo propio usuario. Neste ficheiro incluiranse nomes, teléfonos e enderezos de correo electrónico.
Imaxes tomadas nas actividades do museo, cuxa finalidade é a de difusión das actividades do devandito museo. Contén imaxes gravadas co permiso previo dos participantes nas actividades.
Recursos humanos, cuxa finalidade é a de elaboración de perfís de persoal, xestión do persoal e prevención de riscos laborais. Contén datos proporcionados polos traballadores do museo. Neste ficheiro incluiranse nomes, DNI, números da seguridade social, datos académicos, teléfonos e enderezos de correo electrónico.
Todos os ficheiros de datos do Museo Verbum-Casa das Palabras teñen un nivel de seguridade básico.
O Museo Verbum-Casa das Palabras non realiza cesión de datos contidos nos seus ficheiros.
Vigo, 28 de outubro de 2011.
Isaura Abelairas Rodríguez
Concelleira delegada de Cultura, Festas e Políticas do Benestar