A Xunta de Goberno Local, mediante os acordos núms. 9414 e 9514, adoptados nas sesións dos días 26.7.2011 e 22.8.2011, acordou aprobar inicialmente a proposta de convenio urbanístico de xestión entre o Concello de Poio e Dolores Fernández de la Mora y Mon e Federico Curt Martínez, asinada polos interesados o 21.4.2010. Este convenio sométese á información pública polo prazo de 20 días hábiles, contados a partir da publicación deste anuncio no Diario Oficial de Galicia.

Contra estes acordos pódese, directamente no prazo dun mes desde a notificación, interpor o recurso potestativo de reposición perante a Alcaldía, de conformidade co disposto nos artigos 107.1 e 116.1 da Lei 30/1992, do 26 de novembro, de réxime xurídico das administracións públicas e do procedemento administrativo común, segundo a redacción dada pola Lei 4/1999, pola que se modifica a primeira, ou ben directamente recurso contencioso-administrativo perante o Xulgado do Contencioso-Administrativo de Pontevedra, no prazo de dous meses computados a partir do día seguinte ao da recepción da notificación, consonte o establecido nos artigos 8.1 e 46.1 da Lei 29/1998, do 13 de xullo, reguladora da xurisdición contencioso-administrativa.

De interporse o recurso potestativo de reposición, este deberá ser resolto e notificado no prazo dun mes segundo establece o artigo 117.2 da antedita Lei 30/1992, modificada pola Lei 4/1999, entendendo rexeitado o recurso de reposición polo transcurso do mencionado prazo sen resolución expresa notificada, de conformidade co establecido no artigo 43.2 da Lei 30/1992, modificada pola Lei 4/1999; entón, as persoas interesadas poden interpor o recurso contencioso-administrativo dentro do prazo de 6 meses contados desde o día seguinte a aquel en que se deba entender presuntamente rexeitado o recurso de reposición interposto, consonte o establecido no artigo 46.1 e 46.4 da Lei 29/1998, reguladora da xurisdición contencioso-administrativa.

Non obstante, tamén se poderá interpor calquera outro recurso que as persoas interesadas consideren procedente consonte dereito.

Poio, 25 de agosto de 2011.

Luciano Sobral Fernández
Alcalde