Mediante Resolución do 5 de agosto de 2010, do director xeral de Administración Local, convocouse proceso selectivo para o acceso á categoría superior da subescala de secretaría da escala de funcionarios/as con habilitación de carácter estatal.

Mediante Resolución do 7 de outubro de 2010, do director xeral de Administración Local, resolveuse o recurso de reposición á devandita convocatoria.

Mediante Resolución do 20 de outubro de 2010, da Dirección Xeral de Cooperación Local, dáse publicidade á convocatoria de probas selectivas para o acceso á categoría superior da subescala de secretaría da escala de funcionarios/as con habilitación de carácter estatal efectuada pola Comunidade Autónoma de Galicia.

Mediante Resolución do 20 de xaneiro de 2011, do director xeral de Administración Local, aprobouse a relación provisional de admitidos e excluídos ás devanditas probas con indicación das causas de exclusión, e fixouse un prazo de dez días, contados a partir do seguinte ao da publicación da resolución, para formular as alegacións que considerasen oportunas.

Mediante Resolución do 20 de maio de 2011, do director xeral de Administración Local, apróbase a lista definitiva de admitidos ao proceso selectivo, a data do exame e desígnase a composición do tribunal cualificador do devandito proceso.

Mediante Resolución do 22 de xuño de 2011, do director xeral de Administración Local, faise público o nomeamento de dous novos membros do tribunal que xulgarán o proceso selectivo para o acceso á categoría superior da subescala de secretaría da escala de funcionarios/as con habilitación de carácter estatal.

Mediante Resolución do 10 de outubro de 2011, do director xeral de Administración Local, faise pública a listaxe de convocados ao exame non eliminatorio de avaliación e coñecemento da lingua galega.

Revisada a documentación achegada polos opositores relativa ao coñecemento da lingua galega e realizado o exercicio non eliminatorio de avaliación e coñecemento da lingua galega.

Realizado o exame práctico do devandito proceso selectivo e tendo en conta o disposto no parágrafo 3.º da base II.4.1, esta dirección xeral, no uso das competencias que lle atribúe o artigo 15.1.º do Decreto lexislativo 1/2008, do 13 de marzo, polo que se aproba o texto refundido da Lei da función pública de Galicia, en relación coa Orde do 22 de setembro de 2011, sobre delegación de competencias,

RESOLVE:

Primeiro. Facer públicas as notas do proceso selectivo para o acceso á categoría superior da subescala de secretaría da escala de funcionarios/as con habilitación de carácter estatal, que figuran no anexo.

Segundo. Os aspirantes aprobados disporán, ao abeiro do disposto na base II.4.1 da convocatoria, dun prazo de dez días hábiles, contados desde o do seguinte ao da publicación no Diario Oficial de Galicia da devandita relación, para a acreditación dos correspondentes méritos autonómicos.

Contra esta resolución, que esgota a vía administrativa, os interesados poderán interpoñer recurso potestativo de reposición perante o órgano que a ditou, no prazo dun mes contado desde o día seguinte ao da súa publicación no Diario Oficial de Galicia, de conformidade co establecido na Lei 30/1992, do 26 de novembro, ou poderá interporse directamente recurso contencioso-administrativo ante o Xulgado do Contencioso-Administrativo de Santiago de Compostela no prazo de dous meses contados desde a mesma data, de conformidade co disposto no artigo 8.2.º da Lei 29/1998, do 13 de xullo, en relación co artigo 10.1.º do mesmo texto legal.

Santiago de Compostela, 21 de novembro de 2011.

P.D. (Orde do 22.9.2011; DOG n.º 194, do 10 de outubro)
José Norberto Uzal Tresandí
Director xeral de Administración Local

ANEXO