Dentro das actividades programadas para o ano 2011, e en virtude do convenio de formación asinado entre a Academia Galega de Seguridade Pública e a Federación Galega de Loitas Olímpicas, anúnciase a convocatoria de probas de paso de niveis e graos das diferentes especialidades de defensa persoal policial, conforme as seguintes bases:
1. Datos da actividade.
– Denominación: proba de paso de niveis e graos de defensa persoal policial.
– Modalidade: presencial.
– Obxectivos: que o persoal das Forzas e Corpos de Seguridade e os profesionais de seguridade privada que desenvolven o seu labor en Galicia poidan mellorar a súa capacitación profesional, os seus coñecementos e o desenvolvemento profesional das súas funcións nos niveis e graos das diferentes especialidades da defensa persoal policial.
2. Desenvolvemento da convocatoria.
– Destinatarios/as: persoal das Forzas e Corpos de Seguridade, así como profesionais de seguridade privada.
– Prazas ofertadas: sen límite.
3. Solicitudes de participación.
– Prazo de inscrición e presentación.
O prazo de inscrición e presentación de solicitudes de participación rematará o día 9 de decembro de 2011.
O persoal que desexe participar nesta actividade deberá cubrir a solicitude e cumprir os demais requisitos de participación que estarán publicados na páxina web da Federación Galega de Loitas Olímpicas: http://www.fegaloita.org, epígrafe «formación e promoción».
As solicitudes deberá presentarse na sede da Federación Galega de Loitas Olímpicas, rúa Fotógrafo Luis Casado 17, local 6, apartado de correos 1989, CP 36209, Vigo (Pontevedra). Teléfono: 986 24 75 19. Fax: 986 24 75 21. Correo: info@fegaloita.org
– Requisitos de participación.
a) Ser membro das Forzas e Corpos de Seguridade ou persoal de seguridade privada.
b) Deberá presentarse fotocopia compulsada do nivel ou grao anterior para o que se desexa examinarse.
c) Certificado de ter realizado as horas mínimas establecidas segundo niveis, categorías e titulacións das especialidades de defensa persoal policial (xúntase cadro coas horas mínimas establecidas como anexo a esta resolución). O dito certificado será expedido pola Federación Galega de Loitas Olímpicas, única habilitada para impartir as ditas especialidades.
– Listaxe de admitidos.
A Federación Galega de Loitas Olímpicas configurará a listaxe dos solicitantes admitidos para cada unha das probas segundo os diferentes niveis, categorías e titulacións das especialidades de defensa persoal policial, e remitiraos á Agasp antes do día 14 de decembro de 2011.
O día 14 de decembro de 2011 publicarase na páxina web da Agasp (http://agasp.xunta.es) a listaxe das solicitudes de participación que reúnan os requisitos mencionados anteriormente.
4. Desenvolvemento da actividade.
– Lugar: Academia Galega de Seguridade Pública (A Estrada).
– Horario: das 9.00 ás 14.00 horas.
– Data da proba: 18 de decembro de 2011.
5. Dereitos e deberes dos solicitantes que concorran ás probas.
Durante o desenvolvemento das probas aos solicitantes seralle de aplicación, en canto aos dereitos e deberes, o previsto no Regulamento de réxime interior da Agasp, aprobado por Orde da Consellería de Presidencia, Administracións Públicas e Xustiza do 4 de febreiro de 2009 (DOG núm. 30, do 12 de febreiro).
6. Diploma.
Aos solicitantes que superen as probas correspondentes aos diferentes niveis, categorías e titulacións das especialidades de defensa persoal policial expediráselles un diploma conxunto pola Federación Galega de Loitas Olímpicas e a Agasp.
7. Modificacións e incidencias.
Tanto a Academia Galega de Seguridade Pública como a Federación Galega de Loitas Olímpicas poderán modificar o desenvolvemento normal da actividade para adaptala ás necesidades da Administración e ás continxencias que poidan xurdir.
A Estrada, 10 de novembro de 2011.
José Carlos García Bouzas
Director xeral da Academia Galega de Seguridade Pública
ANEXO
Horas mínimas segundo niveis, categorías e titulacións das especialidades
de defensa persoal policial
Grupo N (niveis) Horas
Técnico especialista en D.P.P. nivel I 40 horas
Técnico especialista en D.P.P. nivel II 50 horas
Técnico especialista en D.P.P. nivel III 60 horas
Técnico especialista en D.P.P. nivel IV 80 horas
Grupo C (categorías) Horas
Cinto negro 1 DAN en D.P.P. 100 horas
Cinto negro 2 DAN en D.P.P. 200 horas
Cinto negro 3 DAN en D.P.P. 300 horas
Cinto negro 4 DAN en D.P.P. 400 horas
Cinto negro 5 DAN en D.P.P. 500 horas
Cinto negro 6 DAN en D.P.P 600 horas
Cinto negro 7 DAN en D.P.P. 700 horas
Grupo T (titulacións) Horas
Adestrador nacional nivel I (cinto negro 1 DAN D.P.P.) 120 horas
Adestrador nacional nivel II (cinto negro 2 DAN D.P.P.) 200 horas
Adestrador nacional nivel III (cinto negro 3 DAN D.P.P.) 400 horas
Adestrador nacional nivel IV (cinto negro 4 DAN D.P.P.) 600 horas