A Orde do 30 de xullo de 1997, conxunta das consellerías de Agricultura, Gandaría e Montes e de Sanidade e Servizos Sociais, polo que se establece na Comunidade Autónoma de Galicia a normativa reguladora para a homologación de cursos de capacitación para realizar tratamentos con praguicidas, así como para a obtención do carné de manipuladores destes produtos, establece no seu artigo 8.6 que os ministerios de Agricultura, Pesca e Alimentación e de Sanidade e Consumo comunicarán aos organismos responsables, na comunidade autónoma, a homologación dos ditos cursos, e no seu artigo 9 a obrigatoriedade de que o organismo oficial responsable publique no Diario Oficial de Galicia a información correspondente a cada curso que se vai realizar.

En consecuencia, anúnciase a realización dun curso de aplicador/manipulador de biocidas, nivel cualificado, homologado polas direccións xerais de Saúde Pública do Ministerio de Sanidade e Política Social e de Agricultura do Ministerio de Medio Ambiente, Rural e Mariño, solicitado pola entidade Cacumen Lugo, S.L.U., de acordo coas seguintes bases:

1. Denominación do curso:

Curso para a capacitación de aplicadores/manipuladores de produtos biocidas. Nivel cualificado.

2. Entidade organizadora:

Cacumen Lugo, S.L.U.

3. Data:

Do 21 de octubre ao 19 de novembro de 2011.

4. Lugar de realización:

Cacumen Lugo, S.L.U.

R/ Concepción Arenal, 18–1.º, 27004 Lugo.

5. Número de prazas:

Máximo 20 alumnos.

6. Dirixido a:

Responsables técnicos de empresas de servizos. Control de pragas.

7. Criterios de selección:

Por rigorosa orde de recepción de inscricións.

8. Presentación de solicitudes.

Solicitude segundo o modelo do anexo I.

9. Programa:

Día 21.10.2011
16.00–21.00 h	Introdución. Praguicidas (I).
Día 22.10.2011
10.00–14.00 h	Praguicidas (II).
16.00–20.00 h	Manipulación: formulacións e preparacións.
Día 28.10.2011
16.00–21.00 h	Pragas específicas (I).
Día 29.10.2011
10.00–14.00 h	Pragas específicas (II).
16.00–20.00 h	Pragas específicas (III).
Día 4.11.2011
16.00–21:00 h	Aplicación de raticidas e ratonicidas. Aplicación de insecticidas e acaricidas.
Día 5.11.2011
10.00–14.00 h	Desinfección. Produtos utilizados. Técnicas de desinfección.
16.00–20.00 h	Aplicación de técnicas de desinfección.
Día 11.11.2011
16.00–19.00 h	Exercicios prácticos.
19.00–21.00 h	Praguicidas e ambiente (I).
Día 12.11.2011
10.00–14.00 h	Praguicidas e ambiente (II).
16.00–20.00 h	Precaucións e normas de seguridade (I).
Día 18.11.2011
16.00–21.00 h	Precaucións e normas de seguridade (II).
Día 19.11.2011
10.00–13.00 h	Exercicios prácticos.
13.00–14.00 h	Proba de avaliación.

10. Certificado de superación do curso:

É obrigatoria a asistencia a todas as sesións do curso. Finalizado este, a entidade organizadora realizará as probas pertinentes que avalíen os coñecementos adquiridos polos alumnos e, en caso de superalas, expedirá o certificado correspondente co cal poderá solicitar á Dirección Xeral de Innovación e Xestión da Saúde Pública da Consellería de Sanidade o carné de aplicador/manipulador de biocidas, nivel cualificado.

Santiago de Compostela, 16 de setembro de 2011.

Manuel Antonio Varela Rey
Director xeral de Innovación e Xestión da Saúde Pública

ANEXO I

Ficha de solicitude de inscrición

Curso para a capacitación de aplicadores/manipuladores de produtos biocidas. Nivel cualificado

Entidade organizadora: Cacumen Lugo, S.L.U.

Datas: o 21 de outubro ao 19 de novembro de 2011.

Lugar de celebración do curso:

Cacumen Lugo, S.L.U.

R/ Concepción Arenal, 18–1.º, 27004 Lugo.

Duración: 60 horas teórico/prácticas e 1 hora de avaliación.

Horario: os días 21 e 28 de outubro, 4, 11 e 18 de novembro, en horario das 16.00 ás 21.00. Os días 22 e 29 de outubro, 5 e 12 de novembro en horario das 10.00 ás 14.00 e das 16.00 ás 20.00. O día 19 de novembro en horario das 10.00 ás 14.00. Proba de avaliación o día 19 de novembro das 13.00 ás 14.00.

N.º de prazas: máximo 20 alumnos.

Presentación de solicitudes:

Cacumen Lugo, S.L.U., r/ Concepción Areal, 18–1.º, 27004 Lugo. Tel.: 982 24 39 44, fax: 982 28 41 61, correo electrónico: cacumen@cacumenlugo.com

Criterio de selección: por rigorosa orde de recepción da solicitude.

Apelidos:

Nome:

NIF:

Enderezo:

Localidade:

Teléfono: Fax:

Empresa: