Advertidos erros na Orde do 16 de xuño de 2011 pola que se establecen as bases reguladoras das axudas para o fomento da contratación dun seguro no exercicio das actividades de pesca, marisqueo e acuicultura, publicada no DOG n.º 122, do 27 de xuño, cómpre facer as seguintes correccións:

Na páxina 16927, no título da orde, onde di: «Orde do 16 de xuño de 2011 pola que se establecen as bases reguladoras das axudas para o fomento da contratación dun seguro no exercicio das actividades de pesca, marisqueo e acuicultura», debe dicir: «Orde do 16 de xuño de 2011 pola que se establecen as bases reguladoras das axudas para o fomento da contratación dun seguro no exercicio das actividades de pesca, marisqueo e acuicultura e se procede á súa convocatoria para o ano 2011».

Na páxina 16930, onde di: «1. As solicitudes presentaranse mediante os modelos normalizados que se aproben na orde de convocatoria», debe dicir: «1. As solicitudes presentaranse mediante os modelos normalizados que se aproben conxuntamente coa presente orde».

Na páxina 16932, onde di: «4. As solicitudes presentaranse no prazo dun mes contado desde o día seguinte ao da publicación da orde de convocatoria no Diario Oficial de Galicia», debe dicir: «4. As solicitudes presentaranse no prazo dun mes contado desde o día seguinte ao da publicación desta orde no Diario Oficial de Galicia».