Visto o expediente para outorgamento de autorización administrativa e aprobación do proxecto de execución das instalacións eléctricas que a seguir se citan:
Solicitante: BEGASA.
Domicilio Social: r/ Cidade de Viveiro, 4, 1.º, 27002 Lugo.
Denominación: desvío de instalacións A-54 tramo Nadela-Vilamoure.
Situación: concello de Lugo.
Características técnicas:
• Modificación da L.M.T. San Xoán do Campo, tramo C.T. Chalé - C.T. Carballal a 20 kV no p.k. 100+200 - 100+400, consistente no soterramento con orixe no apoio metálico proxectado denominado 4 e final no apoio metálico proxectado denominado 5, cunha lonxitude de 160 metros en conductor R.H.Z.1-150 mm. Substitúense, ademais, os apoios 2, 3, 6, 7 e 8.
• Modificación da L.M.T. San Xoán do Campo tramo C.T. urb. Lamabranca - C.T. Coeses a 20 kV no p.k. 102+000 - 102+100, consistente en intercalar dous apoios metálicos n.º 6 e 7 para o cruzamento coa A-54, cunha lonxitude de 78 metros de condutor tipo LA-30.
• Modificación da L.M.T. San Xoán do Campo tramo C.T. Coeses - C.T. Vilalvite a 20 kV no p.k. 103+300 – 103+400, consistente en intercalar dous apoios metálicos n.º 5 e 6 para o cruzamento coa A-54,cunha lonxitude de 88 metros de condutor tipo LA-30.
• Modificación da L.M.T. San Xoán do Campo, derivación a C.T. Cabanas a 20 kV no p.k. 104+200 - 104+300, consistente no recuamento da liña para a instalación dun novo C.T. de intemperie sobre apoio metálico tipo C-3000/14.
• Modificación da L.M.T. Tablicia tramo C.T. San Xoán de Pena 1 - C.T. Tablicia a 20 kV no p.k. 105+400 – 105+600, consistente no soterramento da liña que se realizará entre os apoios metálicos que se van intercalar n.º 4 e 5 para o cruzamento coa A-54, cunha lonxitude de 210 metros de condutor tipo R.H.Z.-400 mm.
• Modificación da L.M.T. Nadela tramo C.T. Gasolineira - C.T. Nadela 2 a 20 kV no p.k. 106+200 - 106+300, consistente no soterramento da liña que se realizará entre os apoios metálicos que se van intercalar n.º 2 e 3 para o cruzamento coa A-54, cunha lonxitude de 200 metros de condutor tipo R.H.Z.-150 mm.
• Modificación da L.M.T. Nadela tramo C.T. Nadela Mueble - C.T. Quintela a 20 kV no p.k. 106+500 - 106+600, consistente no soterramento da liña que se realizará entre os apoios metálicos que se van intercalar n.º 2 e 3 para o cruzamento coa A-54, cunha lonxitude de 130 metros de condutor tipo R.H.Z.-150 mm.
• Modificación da L.M.T. San Xoán do Campo, derivación a C.T. Fonte Mouro a 20 kV no p.k. 200+900 - 201+000, consistente na realización dun cruzamento aéreo sobre a A-54 sobre apoios metálicos tipo C-2000/16, cunha lonxitude de 54 metros en condutor LA-30.
• Recuamento do C.T.I. Cabanas, sobre torre metálica tipo C-3000/14, cunha potencia proxectada de 160 kVA, unha potencia inicial de 100 kVA e unha relación de transformación de 20.000/400-230 V.
• Modificación da R.B.T. do C.T. Carballal no p.k. 100+200 - 100+ 400, cunha lonxitude de 280 metros en condutor tipo R.V.-95.
• Modificación da R.B.T. do C.T. Cabanas no p.k. 104+200 - 104+300, cunha lonxitude de 210 metros en condutor tipo RV-95.
• Modificación da R.B.T. do C.T. Nadela 2 no p.k. 106+000 - 106+100, cunha lonxitude de 80 metros en conductor tipo R.V.-150.
• Modificación da R.B.T. do C.T. Nadela 2 no p.k. 106+400 - 106+500, cunha lonxitude de 120 metros en condutor tipo R.V.-50.
• Modificación da R.B.T. do C.T. Fonte Mouro no p.k. 201+000 – 201+000, cunha lonxitude de 155 metros en condutor tipo R.V.-50.
Cumpridos os trámites ordenados na Lei 54/1997, do 27 de novembro, e no Real decreto 1955/2000, do 1 de decembro (BOE n.º 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución das devanditas instalacións, cuxas características se axustarán en todas as súas partes ás que figuran nel e ás condicións técnicas e de seguranza establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente, independentemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.
Contra esta resolución poderase interpor recurso de alzada ante o conselleiro de Economía e Industria no prazo dun mes, contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.
Lugo, 6 de xuño de 2011.
José Manuel Vázquez Leirado
Xefe territorial de Lugo