Para os efectos previstos na Lei 54/1997, do 27 de novembro, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica que se cita:

Solicitante: Central Eléctrica Sestelo y Cía, S.A.

Enderezo social: r/ Doutor Fernández Vega 14, 36860 Ponteareas.

Denominación: L.M.T. e C.T. A Manga.

Situación: Ponteareas.

Características técnicas: L.M.T. subterránea a 20 kV con condutor Hersatene D.H.Z.1 de 268 metros de lonxitude, con orixe nun apoio da L.M.T. derivación Puzo Fábrica e final no C.T. proxectado A Manga. Centro de transformación de 250 kVA, R.T. 20 kV/230-400 V, situado en San Mateo de Oliveira, Ponteareas.

Todas aquelas persoas ou entidades que se consideren afectadas poderán presentar as súas alegacións nesta xefatura territorial, edificio administrativo avda. Fernández Ladreda 43, 5.º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.

Pontevedra, 29 de marzo de 2011.

Ignacio Rial Santomé
Xefe territorial de Pontevedra