Advertido erro na dita resolución publicada no Diario Oficial de Galicia número 103, do luns 30 de maio de 2011, cómpre realizar as seguintes correccións:
Na páxina 12.250, número 5, onde di:
«Entregar dúas copias en versión galega, en perfecto estado, no formato elixido na solicitude segundo as modalidades de produción:
- Longametraxe cinematográfica e ópera prima ou segunda longametraxe: 35 mm.
- Películas para TV, miniseries e series de animación: Betacam dixital, HD ou DVC Pro 50.
- Longametraxes documentais de creación e difusión cultural: Betacam dixital, HD ou DVC-Pro 50.
Ademais, en calquera das modalidades será obrigatoria a entrega, ademais, dunha copia en DVD.
Así mesmo, estarán obrigados a facilitarlle á Agadic copias da documentación empregada para a realización, promoción e difusión da obra (guión definitivo, carteis, fotografías, músicas, portadas e outros materiais similares)».
Debe dicir:
«Entregar unha copia en versión galega, en perfecto estado, no formato elixido na solicitude segundo as modalidades de produción:
- Longametraxe cinematográfica e ópera prima ou segunda longametraxe: 35 mm.
- Películas para TV, miniseries e series de animación: Betacam dixital ou DVC Pro 50.
- Longametraxes documentais de creación e difusión cultural: Betacam dixital ou DVC Pro 50.
Ademais, en calquera das modalidades será obrigatoria a entrega, ademais, dunha copia en DVD.
Así mesmo, estarán obrigados a facilitarlle á Agadic copias da documentación empregada para a realización, promoción e difusión da obra (guión definitivo, carteis, fotografías, músicas, portadas e outros materiais similares).
Na páxina 12.251, número 2 do artigo 15, onde di:
«2. Con carácter xeral, e de acordo co establecido no artigo 29 da Lei 9/2007, do 13 de xuño, de subvencións de Galicia, consideraranse gastos subvencionables aqueles que de xeito indubidable respondan á realización do proxecto. Os gastos indirectos poderán formar parte da xustificación sempre que os impute o beneficiario ao proxecto, na medida en que tales gastos correspondan ao período en que se realiza o proxecto e nunha porcentaxe non superior ao 20% do gasto xustificado. Só se admitirán aqueles gastos que fosen realizados dentro do período comprendido entre o 1 de xaneiro de 2011 e a fin da data de xustificación establecida na correspondente convocatoria».
Debe dicir:
«2. Con carácter xeral, e de acordo co establecido no artigo 29 da Lei 9/2007, do 13 de xuño, de subvencións de Galicia, consideraranse gastos subvencionables aqueles que de xeito indubidable respondan á realización do proxecto. Só se admitirán aqueles gastos que fosen realizados dentro do período comprendido entre o 1 de xaneiro de 2011 e a fin da data de xustificación establecida na correspondente convocatoria».
