O artigo 11 da Lei 4/2006, do 30 de xuño, de transparencia e boas prácticas na Administración pública galega (DOG n.º 136, do 14 de xuño) impón a cada consellería da Xunta de Galicia a obriga de publicar no Diario Oficial de Galicia unha relación dos convenios de colaboración subscritos no cuadrimestre anterior.
En consecuencia, e para dar cumprimento a esa obriga, por medio desta resolución dáse publicidade á relación dos convenios subscritos no terceiro cuadrimestre do ano 2010 pola Consellería do Mar que se incorpora como anexo a esta resolución.
Santiago de Compostela, 3 de xuño de 2011.
Francisco José Vidal-Pardo Pardo
Secretario xeral técnico da Consellería do Mar
ANEXO
|
Convenio e obxecto |
Data de sinatura |
Importe € |
|
Convenio de colaboración entre a Consellería do Mar, o Intecmar e o Instituto de Investigacións Científicas para a realización do plan nacional «Comparación de metodoloxías para a determinación de toxinas paralizantes en bivalvos relacionadas co Paralytic Shellfish Poisoning (psp). Aplicación á acuicultura en España». |
14.10.2010 |
37.283,00 |
|
Convenio de colaboración entre a Consellería do Mar e a Federación Provincial de Confrarías de Pescadores de Lugo co obxecto da posta en funcionamento dunha ferramenta informática que conteña información relativa á estrutura, organización e medios dos que dispoñen as confrarías de pescadores a nivel provincial. |
18.10.2010 |
30.000,00 |
|
Convenio de colaboración entre a Xunta de Galicia a través da Consellería do Mar e a Federación Provincial de Confrarías de Pescadores de Pontevedra co obxecto da posta en funcionamento dunha ferramenta informática que conteña información relativa á estrutura, organización e medios de que dispoñen as confrarías de pescadores a nivel provincial. |
18.10.2010 |
50.000,00 |
|
Convenio de colaboración entre a Xunta de Galicia a través da Consellería do Mar e a Federación Provincial de Confrarías de Pescadores da Coruña co obxecto da posta en funcionamento dunha ferramenta informática que conteña información relativa á estrutura, organización e medios de que dispoñen as confrarías de pescadores a nivel provincial. |
18.10.2010 |
50.000,00 |
|
Convenio entre a Consellería do Mar e a Universidade de Vigo polo que se regulan as condicións en que se lle concede unha subvención directa para a realización da «XX semana internacional de cine submarino en Vigo». |
9.12.2010 |
17.500,00 |
|
Convenio entre a Consellería do Mar e a Universidade de Vigo polo que se regulan as condicións en que se lle concede unha subvención directa para a realización do «II Curso do máster universitario en Economía, avaliación e xestión do medio mariño e dos recursos pesqueiros». |
9.12.2010 |
7.500,00 |
|
Convenio de colaboración entre a Consellería do Mar e a Confederación de Empresarios de Hostalaría de Galicia (Cehosga) para promocionar o emprego entre os seus asociados dos produtos da pesca artesanal e do marisqueo a través da marca pescadeRias ¿de onde se non? Así como da DOP Mexillón de Galicia, impulsando o seu consumo incrementando así a súa competitividade. |
3.11.2010 |
112.000,00 |
|
Convenio de colaboración entre a Consellería do Mar e a entidade Canal Voz, S.L. para promover campañas informativas autorizadas polo artigo 3 da Lei de publicidade e comunicación institucional (Lei 29/2005, do 29 de decembro). |
2.12.2010 |
80.000,00 |
|
Convenio de colaboración entre a Consellería do Mar e o Instituto Español de Oceanografía para a realización dos plans nacionais «Bases para o control da reprodución e coñecemento do sistema de defensas naturais no linguado» (Solea senegalensis), «Caracterización da calidade do peixe de crianza», «nutrición e alimentación de paralarvas e subadultos de polbo de rocha» e «acuicultura integrada: experiencia piloto para o desenvolvemento de sistemas de cultivo multitróficos». |
30.11.2010 |
87.638,00 |
|
Convenio de colaboración entre a Consellería do Mar da Xunta de Galicia e Radiotelevisión Galicia, S.A. |
23.9.2010 |
46.793,10 |
|
Convenio de colaboración entre a Consellería do Mar da Xunta de Galicia e a Asociación de Mayoristas, Importadores, Exportadores y Transformadores de Productos de la Pesca y Acuicultura. |
1.10.2010 |
75.000,00 |
|
Convenio de colaboración entre a Consellería do Mar e a Federación Galega de Confrarías de Pescadores, para a colaboración na xestión das axudas aos tripulantes enrolados en buques con porto base en Galicia polo peche da pesqueira do bocarte. |
29.9.2010 |
5.300,00 |
|
Convenio de colaboración co Colexio Oficial de Peritos e Enxeñeiros Técnicos Industriais co obxecto de establecer as condicións de colaboración financeira para a realización polos facultativos do seu Consello xeral de traballos de valoración, seguimento e control de proxectos de investimentos subvencionables a través do FEP 2007-2013. |
1.9.2010 |
149.781,00 |
|
Convenio de colaboración entre o Ministerio de Defensa e a Xunta de Galicia para a utilización da cámara hiperbárica da unidade de mergullo de Ferrol. |
30.12.2010 |
Sen custo |
