A Orde do 16 de marzo de 2011 (DOG n.º 57, do 22 de marzo) establece as bases reguladoras para a concesión de axudas para proxectos ao abeiro dos plans estratéxicos zonais aprobados pola Consellería do Mar aos grupos de acción costeira (con financiamento do Fondo Europeo de Pesca).
O artigo 10 da citada orde establece que a presentación das solicitudes mantense aberta ata o 31 de marzo de 2013, e nel establécense os períodos anuais de resolución.
O artigo 9 da citada orde establece que as axudas se concederán con cargo ás aplicacións orzamentarias que en cada un dos anos de vixencia do actual Programa operativo FEP 2007-2013 sinale a correspondente lei de orzamentos xerais da comunidade autónoma.
En cada anualidade sucesiva ata 2013 fixarase mediante unha orde complementaria o crédito plurianual existente con esta finalidade. Os créditos de cada ano poderán ser incrementados, se é o caso, coas incorporacións dos remanentes de exercicios anteriores que legalmente correspondan o crédito orzamentario con cargo ao cal se financia a concesión das axudas.
Aprobados os orzamentos da Comunidade Autónoma de Galicia para 2011 pola Lei 14/2010, do 27 de decembro, cómpre xa facer pública a contía do crédito orzamentario destinado a facer fronte a ditas axudas.
Para tal obxecto, esta consellería
DISPÓN:
Artigo 1. Crédito orzamentario de 2011.
O crédito orzamentario para as solicitudes de axuda tramitadas durante o exercicio do ano 2011 e a plurianualidade asociada ás axudas que poidan concederse neste alcanza o importe de nove millóns novecentos corenta e dous mil oitenta e cinco euros (9.942.085 euros), repartidos nas seguintes anualidades e partidas orzamentarias:
|
Partida orzamentaria |
Ano 2011 |
Ano 2012 |
Ano 2013 |
|
14.04.723B.770.0 |
2.811.106 € |
2.511.849 € |
2.175.699 € |
|
14.04.723B.780.0 |
1.001.561 € |
766.283 € |
675.587 € |
|
Totais |
3.812.667 € |
3.278.132 € |
2.851.286 € |
As axudas financiaranse con cargo a fondos do FEP (61%), fondos do Estado (19,5%) e fondos da Comunidade Autónoma de Galicia (19,5%).
Artigo 2. Ampliación do crédito.
A contía establecida no artigo anterior para a anualidade 2011 poderá ser incrementada na cantidade resultante das incorporacións de créditos remanentes doutros exercicios.
Artigo 3. Concesión das axudas.
A concesión de axudas quedará limitada, en todo caso, ás dispoñibilidades orzamentarias.
Santiago de Compostela, 29 de abril de 2011.
Rosa María Quintana Carballo
Conselleira do Mar
