Pola Orde do 10 de febreiro de 2011 (DOG n.º 32, do 16 de febreiro) e a corrección de erros (DOG n.º 66, do 4 de abril) establecéronse as bases e convocáronse para o ano 2011 as axudas para o fomento da utilización de maquinaria e equipamentos agrarios en réxime asociativo en Galicia.
No artigo 27. Financiamento, relativo ao financiamento destas axudas, detállanse as aplicacións orzamentarias e o importe económico previsto para elas, así como a posibilidade de incrementar a cantidade fixada anteriormente, de acordo co establecido no número 2 do artigo 30 do Decreto 11/2009, do 8 de xaneiro, polo que se aproba o regulamento da Lei 9/2007, do 13 de xuño, de subvencións de Galicia. Tendo en conta o elevado número e dimensión das solicitudes de axuda que se recibiron e a necesidade dun maior financiamento, cómpre ampliar a dotación orzamentaria consignada inicialmente, coa finalidade de poder amparar as solicitudes de axuda presentadas, sempre que cumpran co establecido na orde desta consellería citada anteriormente.
En virtude do exposto, e de acordo co establecido no artigo 30.1.3 do Estatuto de autonomía de Galicia e no uso das facultades que me confire a Lei 1/1983, do 22 de febreiro (DOG n.º 23, do 21 de marzo), reguladora da Xunta e da súa presidencia,
DISPOÑO:
Artigo único.
Amplíase para o ano 2011 a dotación orzamentaria que se recolle na Orde desta consellería do 10 de febreiro de 2011 (Diario Oficial de Galicia n.º 32, do 16 de febreiro), pola que se convocan para o ano 2011 as axudas para o fomento da utilización de maquinaria e equipamentos agrarios en réxime asociativo en Galicia, nos seguintes importes e aplicacións dos orzamentos da Comunidade Autónoma de Galicia para 2011.
Importe |
Proxecto |
Partida orzamentaria |
1.600.920,09 € |
2007-00425 |
2011-13-02-712C-7701 |
120.165,85 € |
2008-00428 |
2011-13-02-712C-7703 |
Disposición adicional única.
O incremento de crédito previsto no artigo único non afecta o prazo que se establece para a presentación de solicitudes de axuda na devandita Orde do 10 de febreiro de 2011.
Disposición derradeira.
Esta orde entrará en vigor o mesmo dia da súa publicación no Diario Oficial de Galicia
Santiago de Compostela, 5 de maio de 2011.
Samuel Jesús Juárez Casado
Conselleiro do Medio Rural