Mediante Resolución do 15 de abril de 2010 procedeuse á publicación das bases reguladoras das axudas do Igape aos proxectos colectivos empresariais cofinanciados co Fondo Social Europeo no marco do Programa operativo FSE Galicia 2007-2013 (DOG n.º 73, do 20 de abril de 2010), as cales foron modificadas mediante Resolución do 10 de xaneiro de 2011 (DOG n.º 11, do 18 de xaneiro).
Posteriormente, mediante Resolución do 19 de xaneiro de 2011 procedeuse á súa convocatoria para o exercicio 2011, en réxime de concorrencia competitiva e trámite anticipado de gasto (DOG n.º 14, do 21 de xaneiro).
No seu punto cuarto establécese a súa dotación orzamentaria, así como que o director xeral do Igape poderá ampliar o crédito e modificar a partida orzamentaria, logo de declaración de dispoñibilidade dos créditos nos termos referidos no artigo 30.2 do Decreto 11/2009, mediante resolución publicada para o efecto.
Tendo en conta o volume de solicitudes recibidas e tratando de dar resposta á ampla demanda de axuda, semella oportuno incrementar o importe aprobado para as axudas establecidas nestas bases.
Na súa virtude e de conformidade coas facultades que teño conferidas,
RESOLVO:
Único. Amplíase en 125.000 euros para o exercicio 2011 o crédito establecido na partida orzamentaria 02.02-E4/10/02-651800 para as axudas aos proxectos iniciativas abertas de difusión (procedemento IG114), convocadas mediante Resolución do 19 de xaneiro de 2011 (DOG n.º 14, do 21 de xaneiro).
Santiago de Compostela, 4 de maio de 2011.
Joaquín Varela de Limia de Cominges
Director xeral do Instituto Galego de Promoción Económica