En execución do plan de actividades da Escola Galega de Administración Pública (en diante, EGAP) para o ano 2011, a EGAP anuncia a celebración dos actos en conmemoración do Día das Letras Galegas conforme as seguintes bases:

1. Obxectivos.

A Real Academia Galega dedícalle o Día das Letras Galegas de 2011 ao poeta monfortino Lois Pereiro. Por este motivo, a EGAP, como institución pública galega, súmase á homenaxe deste galego insigne organizando un acto literario, así como unha viaxe de interese cultural polos escenarios en que se desenvolveu boa parte da vida de Lois Pereiro.

2. Destinatarios.

No acto acto literario poderá participar o persoal das administracións públicas e calquera outra persoa interesada. Á viaxe cultural terá acceso só o persoal ao servizo de calquera das administracións públicas de Galicia (ata 40 prazas). No caso de se presentaren máis solicitudes que prazas, terá preferencia o persoal da Xunta de Galicia.

A inscrición na viaxe implica a obrigatoriedade de asistir ao acto literario. Para a selección da viaxe cultural terase en conta a data de entrada da solicitude no Rexistro Xeral da EGAP ou a data do fax, sempre de acordo coa preferencia sinalada no parágrafo anterior.

3. Desenvolvemento.

3.1. Acto literario:

–Data: 12 de maio.

–Hora: 19.00.

–Lugar: salón de actos e sala de exposicións da EGAP.

Seguidamente procederase á inauguración da VII Mostra colectiva das artes e das letras dos empregados da administración autonómica galega.

3.2. Viaxe cultural:

–Data: 17 de maio.

O programa desenvolverase do seguinte xeito:

–Saída da Coruña ás 8.00 h (Obelisco).

–Saída de Santiago de Compostela ás 9.00 h (EGAP).

–Monforte de Lemos: Museo de Arte Sacra das Clarisas e Colexio do Cardeal.

–Gundivós: Centro Oleiro.

–Santiorxo e Cadeiras: miradores sobre a gorxa do Sil.

–San Fiz de Cangas: románico.

–Xantar enxebre: Mañete.

–Bernardas de Ferreira de Pantón.

–Pazo de Tor.

–Diomondi: románico.

–Ribas do Miño: románico.

–Chantada.

–Chegada a Santiago de Compostela sobre as 21.00 h.

–Chegada Á Coruña sobre as 22.00 h.

A visita será guiada polo historiador de arte e arqueólogo Felipe Senén López Gómez.

Para coñecer o desenvolvemento da viaxe e para todo tipo de información rógase contactar co Servizo de Estudos e Publicacións. Teléfonos: 981 59 72 51/981 54 62 39/981 54 62 35.

4. Inscrición.

As solicitudes, segundo o modelo oficial que figura ao final desta convocatoria, irán dirixidas ao director da EGAP, rúa de Madrid, 2-4, 15707 Santiago de Compostela; e, presentaranse no Rexistro Xeral da EGAP ou por calquera das formas previstas no artigo 38.4 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro. Admitiranse tamén inscricións por telefax: 981 54 63 30/981 54 62 49.

As solicitudes deberán entrar no rexistro da EGAP antes das 10.00 h do día 13 de maio.

5. Publicación e notificación da selección.

A confirmación da súa selección poderá obterse chamando por teléfono á EGAP, aos números: 981 59 72 51/981 54 62 39/981 54 62 35, ou ben consultando a lista de seleccionados, que se exporá no taboleiro de anuncios deste centro e no seu portal web.

Santiago de Compostela, 27 de abril de 2011.

Pablo Figueroa Dorrego
Director da Escola Galega de Administración Pública

ANEXO
Folla de inscrición

1. SOLICITANTE
Apelidos		Nome			NIF n.º
Enderezo particular	Localidade		Provincia	CP		Teléfono

2. DATOS PROFESIONAIS
Posto de traballo		Corpo ou escala (1)					Nivel (2)
Entidade en que presta servizos
Enderezo do posto de traballo			Localidade	Provincia		CP
Teléfono	Telefax				Enderezo electrónico

3. ACTIVIDADE SOLICITADA

Solicita: □ Asistir ao acto literario o día 12 de maio de 2011 na EGAP. □ Participar na viaxe cultural o día 17 de maio. Sinatura _____________________________, ___ de __________________ de 2011

(1) e (2) cubrir soamente no caso de ser funcionario

No cumprimento do disposto no artigo 5 da Lei orgánica 15/1999, de protección de datos de carácter persoal (BOE n.º 298, do 14-12-1999), infórmaselle de que os datos persoais recollidos nesta solicitude serán incorporados a un ficheiro para o seu tratamento, coa finalidade de xestionar este procedemento. Vostede pode exercer os dereitos de acceso, rectificación, cancelación e oposición previstos na lei, mediante a presentación dun escrito dirixido a este mesmo centro, como responsable do ficheiro.

Director da Escola Galega de Administración Pública