O Pleno do Concello de Santiago de Compostela, na súa sesión do 25 de setembro de 2003, aprobou definitivamente a modificación puntual do Plan parcial do 1º sector do SUNP-37 (Costa Vella), redactada pola Empresa Municipal da Vivenda e Solo de Santiago de Compostela, S.A. (Emuvissa).

O acto da aprobación definitiva da citada modificación do Plan parcial foi comunicado á Consellería de Política Territorial, Obras Públicas e Vivenda con data o 3 de novembro de 2003, en cumprimento do disposto polo artigo 92.3º da Lei 9/2002, do 30 de decembro, de ordenación urbanística e protección do medio rural de Galicia.

De acordo co sinalado no artigo 92.2º da citada lei, publicouse no BOP número 263, o día 15 de novembro de 2003, o texto íntegro da normativa.

Contra o acordo de aprobación definitiva da modificación puntual do Plan parcial poderase interpoñer directamente recurso contencioso-administrativo ante o Tribunal Superior de Xustiza de Galicia no prazo de dous meses, contados a partir do día seguinte ó da publicación deste anuncio.

Santiago de Compostela, 25 de novembro de 2003.

Xosé A. Sánchez Bugallo

Alcalde