Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa e a aprobación do proxecto de execución da instalación eléctrica que se cita:
Solicitante: Electra Santa Comba, S.L.
Domicilio social: Miraflores, 20 baixo, 15841 Santa Comba.
Denominación: L.M.T., C.T.I., R.B.T. Pontenova.
Situación: Santa Comba.
Descricións técnicas: reforma L.M.T. aérea a 20 kV no treito de 444 m en LA-56 a C.T. Guldrís entre os apoios 8 e 10.
C.T. intemperie de 25 kVA instalado sobre o apoio 9 bis da liña en Arantón. Concello de Santa Comba.
Todas aquelas persoas ou entidades que se consideren afectadas poderán examina-lo expediente e presenta-las súas alegacións nesta delegación provincial, sita no edificio administrativo de Monelos, s/n, 15071 A Coruña, no prazo de vinte días, a partir da última publicación.
A Coruña, 21 de novembro de 2003.
Jesús Espada Martínez
Delegado provincial da Coruña