De conformidade coa proposta elevada pola comisión constituída para xulga-lo concurso convocado pro resolución desta universidade do 16 de novembro de 2001 (BOE do 4 de decembro) para a provisión dunha praza de catedrática de universidade da área de coñecemento de oftalmoloxía, do departamento de Cirurxía da Universidade de Santiago de Compostela, a favor de María del Carmen Capeáns Tomé, tendo en conta que a interesada cumpre os requisitos a que alude o número 2º do artigo 5 do Real decreto 1888/1984, do 26 de setembro;

Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria e demais disposicións que a desenvolven, resolveu nomear a María del Carmen Capeáns Tomé, catedrática de universidade da área de coñecemento de oftalmoloxía, do departamento de Cirurxía, da Universidade de Santiago de Compostela.

Santiago de Compostela, 3 de decembro de 2003.

Senén Barro Ameneiro

Rector da Universidade de Santiago de Compostela