De conformidade coa proposta elevada pola comisión constituída para xulga-lo concurso convocado por resolución desta universidade do 16 de novembro de 2001 (BOE do 4 de decembro) para a provisión dunha praza de profesor titular de universidade da área de coñecemento de química analítica, do departamento de Química Analítica, Nutrición e Bromatoloxía, da Universidade de Santiago de Compostela, a favor de Antonio Moreda Piñeiro, e tendo en conta que o interesado cumpre os requisitos a que alude o punto 2º do artigo 5 do Real decreto 1888/1984, do 26 de setembro.
Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria, e demais disposicións que a desenvolven, resolveu nomear a Antonio Moreda Piñeiro profesor titular de universidade da área de coñecemento de química analítica, do departamento de Química Analítica, Nutrición e Bromatoloxía da Universidade de Santiago de Compostela.
Santiago de Compostela, 20 de novembro de 2003.
Senén Barro Ameneiro
Rector da Universidade de Santiago de Compostela