Aprobado o prego de condicións económico-administrativas e técnicas para a contratación por concurso, en procedemento aberto e tramitación ordinaria, da subministración, instalación e posta en funcionamento do mobiliario industrial para o Centro de Iniciativas Turísticas en Fonte da Cova, Carballeda de Valdeorras, ponse a información pública polo prazo de oito días para efectos de reclamacións, e anúnciase tamén a convocatoria do concurso para a devandita subministración.

1. Entidade adxudicadora.

a) Organismo: Concello de Carballeda de Valdeorras.

b) Dependencia que tramita o expediente: secretaría do concello.

2. Obxecto do contrato.

a) Descrición do obxecto.

Subministración, instalación e posta en funcionamento no Centro de Iniciativas Turísticas en Fonte da Cova, do mobiliario industrial definido no anexo número 6 do proxecto da obra, aprobado polo acordo plenario do 25 de abril de 2002.

b) Lugar de entrega: Centro de Iniciativas e Turismo en Fonte da Cova.

c) Prazo de entrega: dous meses.

3. Tramitación, procedemento e forma de adxudicación.

a) Tramitación: ordinaria.

b) Procedemento: aberto.

c) Forma: concurso.

4. Orzamento base de licitación: 107.641,42 euros.

5. Garantía provisional: 4.305,66 euros.

6. Obtención de documentación e información.

Concello de Carballeda de Valdeorras, estrada de Éntoma, nº 54, Sobradelo (Ourense), teléfono 988 33 50 02, fax 988 33 53 79.

Data límite de obtención de documentación e información: ata o día de finalización do prazo de presentación de proposicións.

7. Requisitos específicos do contratista.

A solvencia económica e técnica acreditarase de conformidade co previsto nos artigos 16 e 18 da Lei de contratos das administracións públicas.

8. Presentación de ofertas.

a) Data límite de presentación: décimo quinto día natural seguinte ó da última publicación do anuncio no BOP de Ourense ou no DOG. Se o último día fose inhábil ou sábado, o prazo rematará o primeiro día hábil seguinte.

b) Documentación que hai que presentar: a que figura no prego de condicións.

c) Lugar de presentación: rexistro xeral do concello, das 9.00 ás 14.00 horas.

9. Apertura de ofertas.

Ás 12.00 horas do día seguinte hábil (agás sábado) ó de finalización do prazo de presentación das ofertas.

10. Gastos de anuncios.

Por conta do adxudicatario.

Carballeda de Valdeorras, 5 de novembro de 2003.

Mª Carmen González Quintela

Alcaldesa