O Xurado Provincial de Clasificación de Montes Veciñais en Man Común de Pontevedra, en sesión que tivo lugar o día 8 de febreiro do 2002, acordou inicia-los trámites para a clasificación, como veciñais en man común, dos seguintes montes:

Concello: Ponte Caldelas.

Lugar: Pazos.

Nome do monte: Freixoeiro.

Cabida: 2 ha (superficie alegada na solicitude).

Límites:

Norte: río Verdugo.

Sur: predios particulares de Manuel Martínez Rodríguez e outros.

Leste: estrada de Vigo e predios particulares.

Oeste: río Verdugo e terreos de Hidrofreixa.

O que se pon en coñecemento de tódolos interesados, para efectos de abrir un período de información dun mes de duración contado a partir do día seguinte ó da publicación deste anuncio para que se poida examina-lo expediente e aducir perante este tempo o que se estime procedente en relación co monte de referencia, de conformidade co disposto no artigo 11 da Lei 13/1989, do 10 de outubro, de montes veciñais en man común, e no artigo 23.2º do Decreto 260/1992,

do 2 de setembro, polo que se aproba o Regulamento para a execución da dita lei.

Pontevedra, 14 de novembro de 2003.

José Antonio López Rodríguez

Presidente do Xurado Provincial de Clasificación

de Montes Veciñais en Man Común de Pontevedra