Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:

Solicitante: Unión Fenosa Distribución, S.A.

Domicilio social: travesía de Vigo 204, 36207 Vigo.

Denominación: L.M.T., C.T., R.B.T. A Cachada.

Situación: concello do Rosal.

Descricións técnicas: L.M.T. soterrada a 20 kV con conductor tipo R.H.V. de 740 m de lonxitude, con orixe no apoio tipo 2-1B/10, desde o que se realiza a acometida ó C.T. Marzán, e remate no C.T. que se proxecta, de 160 kVA R.T. 20 kV-380/220 V, situado na Cachada, no concello do Rosal. Dúas R.B.T., una aérea de 1.430 m de lonxitude e outra soterrada de 75 m, ambas con orixe no C.T. da Cachada.

Cumpridos os trámites ordenados na Lei 54/1997, do 27 de novembro, e no capítulo II do Real decreto 1955/2000, do 1 de decembro, sobre autorización de instalacións eléctricas, esta delegación provincial resolve:

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

O prazo de posta en marcha da instalación, de acordo co artigo 132 do Real decreto 1955/2000, será de doce meses, a partir da recepción desta resolución. Para efectos da posible solicitude de prórroga, o peticionario deberá ter en conta o disposto no capítulo IV do Decreto 1775/1967, do 22 de xullo.

Contra esta resolución pódese interpor recurso de alzada ante o conselleiro de Innovación, Industria e Comercio no prazo dun mes, contado a partir do día seguinte ó da súa notificación. Tamén se pode interpor calquera outro recurso que se considere pertinente.

Pontevedra, 22 de outubro de 2003.

Carmen Bianchi Valcarce

Delegada provincial de Pontevedra