Por Orde do 21 de agosto de 2003 (DOG do 5 de setembro), a Consellería de Educación e Ordenación Universitaria convocou axudas para financiar actividades das confederacións e federacións de pais de alumnos e asociacións de pais de alumnos de centros de educación especial.

Reunida a comisión prevista no punto oitavo da devandita orde, de acordo coa proposta formulada por ela e de conformidade co punto décimo da orde de referencia,

RESOLVO:

Primeiro.-Concedérlle-las axudas, nas contías que se sinalan, ás confederacións, federacións e asociacións de pais de alumnos de centros de educación especial relacionadas no anexo I a esta orde.

Segundo.-Desestima-las solicitudes presentadas por unha federación e polas asociacións de pais de alumnos de centros de educación especial que se relacionan no anexo II a esta orde, polas causas que se indican.

Terceiro.-Para facer efectivo o pagamento das axudas, os beneficiarios presentarán na Dirección Xeral de Centros e Ordenación Educativa, Subdirección Xeral de Centros, Servicio de Xestión de Programas Educativos, antes do día 30 de decembro de 2003, a seguinte documentación:

a) Xustificación completa, mediante facturas orixinais ou documentos acreditativos da realización dos gastos subvencionados.

b) Unha declaración do conxunto de axudas solicitadas, tanto das aprobadas ou concedidas como das pendentes de resolución, para a mesma finalidade, procedente de calquera administración ou entes públicos ou privados nacionais ou internacionais.

Cuarto.-Contra esta orde, que esgota a vía administrativa, os interesados poderán interpoñer recurso potestativo de reposición no prazo dun mes, contado a partir do día seguinte ó da publicación no Diario Oficial de Galicia, perante o conselleiro de Educación e Ordenación Universitaria, segundo o disposto na Lei 4/1999, do 13 de xaneiro (BOE do 14 de xaneiro), de modificación da Lei 30/1992, do 26 de novembro, de réxime xurídico das administracións públicas e do procedemento administrativo común (BOE do 27 de novembro), ou ben poderán presentar directamente recurso contencioso-administrativo, perante o Tribunal Superior de Xustiza de Galicia, no prazo de dous meses contados a partir do día seguinte ó da publicación, conforme se establece na Lei 29/1998, do 13 de xullo, reguladora da xurisdicción contencioso-administrativa (BOE do 14 de xullo).

Santiago de Compostela, 9 de decembro de 2003.

Celso Currás Fernández

Conselleiro de Educación e Ordenación Universitaria

ANEXO I

ANEXO II