A Orde do 23 de abril de 2003 (DOG do 28 de maio) convocaba os Premios Fin de Carreira da Comunidade Autónoma de Galicia para alumnos universitarios que rematen os estudios no ano 2003 nas universidades do Sistema Universitario de Galicia.

De acordo co establecido no artigo 10 das bases da convocatoria, desde o día 6 ata o día 16 de novembro de 2003 expuxéronse as listas provisionais de solicitudes admitidas e excluídas, podendo durante ese mesmo prazo os interesados formula-las reclamacións para emendar erros e falta de documentos perante a Dirección Xeral de Universidades.

Rematado este prazo, as solicitudes admitidas foron estudiadas pola comisión avaliadora nomeada na propia orde de convocatoria.

En consecuencia, atendendo por proposta elaborada pola citada comisión, esta consellería

RESOLVE:

Artigo 1º

Concedérlle-los premios fin de carreira da Comunidade Autónoma de Galicia ós alumnos universitarios que remataron os seus estudios no ano 2003 e que se relacionan no anexo I desta orde. Os alumnos premiados recibirán unha contribución en metálico de 2.404,04 euros.

Artigo 2º

As solicitudes que figuran relacionadas no anexo II desta orde e que foron admitidas para participar neste concurso, debe entenderse que quedan denegadas polas causas que nel se sinalan.

Artigo 3º

O incumprimento total ou parcial por parte dos beneficiarios de calquera das condicións establecidas na orde de convocatoria do 23 de abril de 2003 constituirá causa determinante de revogación da axuda e do seu reintegro polo beneficiario ou solicitante, segundo o disposto no artigo 6 da Lei 8/1999, do 30 de decembro, de medidas fiscais e orzamentarias e de función pública e actuación administrativa, que modifica o artigo 78 do texto refundido la Lei de réxime financeiro e orzamentario, aprobado polo Decreto lexislativo 1/1999, do 7 de outubro.

Artigo 4º

Contra esta orde, que esgota a vía administrativa, os interesados poderán interpoñer recurso potestativo de reposición perante o conselleiro de Educación e Ordenación Universitaria no prazo dun mes a partir do día seguinte ó da publicación da orde no DOG, segundo o disposto nos artigos 116 e 117 da Lei 4/1999 (BOE do 14 de xaneiro), de modificación da Lei 30/1992, de réxime xurídico das administracións públicas e do procedemento administrativo común, ou ben directamente o recurso contencioso-administrativo no prazo de dous meses perante o Tribunal Superior de Xustiza de Galicia.

Santiago de Compostela, 2 de decembro de 2003.

Celso Currás Fernández

Conselleiro de Educación e Ordenación Universitaria

ANEXO II

USC: UNIVERSIDADE DE SANTIAGO DE COMPOSTELA

UDC: UNIVERSIDADE DA CORUÑA

UVI: UNIVERSIDADE DE VIGO