Por Orde do 10 de marzo de 2003 (DOG nº 62, do 28 de marzo), a Consellería de Xustiza, Interior e Administración Local anunciou medidas de apoio á policía local de Galicia, consistentes na cesión de vehículos especialmente preparados para o exercicio das súas funcións.
A teor do disposto na disposición adicional desta orde, na que se establecía que a achega compensatoria realizada polos beneficiarios segundo o disposto no artigo 6.2º a) podería xerar créditos no estado de gastos do orzamento desta consellería, que poderían ser utilizados na adquisición e adxudicación de máis vehículos,
RESOLVO:
Primeiro.-Conceder con cargo á aplicación 13.05.624.0, programa 123.A, dos orzamentos xerais da Comunidade Autónoma de Galicia para 2003, a cesión en propiedade dun vehículo equipado para uso da policía local ós seguintes concellos:
* Marca e modelo: turismo Seat Córdoba Stella 1.9 TDI.
Concello destinatario Número de bastidor
Coristanco VSSZZZ6LZ4R112206
Melide VSSZZZ6LZ4R112251
Miño VSSZZZ6LZ4R112822
Sada VSSZZZ6LZ4R112827
Burela VSSZZZ6LZ4R114250
Moaña VSSZZZ6LZ4R144265
O Grove VSSZZZ6LZ4R114275
* Marca e modelo: motocicleta Piaggio, Hexagon GT 250.
Concello destinatario Número de bastidor
Ortigueira ZAPM1400001003663
Teo ZAPM1400001003712
Celanova ZAPM1400001003733
A Estrada ZAPM1400001003734
Segundo.-Notifica-lo contido desta resolución ós concellos beneficiarios, especificando as condicións particulares que deberán cumprir, e que se formalizarán mediante acta subscrita polo secretario xeral desta consellería ou funcionario en que delegue, debendo constar nela o acordo de cesión e a aceptación do cesionario, segundo establece o artigo 96 bis do Decreto 50/1989, do 9 de marzo, polo que se aproba o regulamento para a execución da Lei 3/1985, do 12 de abril, do patrimonio da Comunidade Autónoma galega.
Terceiro.-Contra esta resolución, que esgota a vía administrativa, poderase interpoñer recurso de reposición ante este mesmo órgano, no prazo dun mes contado a partir do día seguinte ó da publicación desta orde, ou recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados a partir do seguinte ó da publicación desta orde. En todo caso non se poderá interpoñer recurso contencioso-administrativo ata que sexa resolto expresamente ou se produza a desestimación presunta do recurso de reposición.
Santiago de Compostela, 28 de novembro de 2003.
Jesús Carlos Palmou Lorenzo
Conselleiro de Xustiza, Interior e Administración Local
