A Comisión de Goberno do Concello de Santiago de Compostela, na sesión que tivo lugar o día 24 de novembro de 2003, acordou inicia-lo expediente de expropiación, por taxación conxunta, dos terreos incluídos no proxecto de delimitación do Plan parcial do SUNP-1 (Meixonfrío), e sistema xeral adscrito e aproba-lo proxecto de expropiación e a relación de bens e dereitos que nel se inclúen, elaborado polos servicios técnicos de Emuvissa, na súa condición de beneficiarios da expropiación.

En cumprimento do disposto no artigo 143 da Lei 9/2002, do 30 de decembro, de ordenación urbanística e protección do medio rural de Galicia, o concello expón ó público o dito proxecto de expropiación, co fin de que, no prazo dun mes, contado desde o día seguinte ó da última publicación deste anuncio no Diario Oficial de Galicia e nun xornal dos de maior circulación da provincia ou desde a notificación individual, se esta fose posterior, os interesados poidan formula-las observacións e reclamacións que consideren convenientes, en particular, o que atinxe á titularidade ou valoración dos seus respectivos dereitos.

Este anuncio servirá de edicto de notificación, de acordo co previsto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común (LRXAP e PAC), ós propietarios que a continuación se relacionan no anexo.

Santiago de Compostela, 28 de novembro de 2003.

Luis Toxo Ramallo

Concelleiro delegado de Urbanismo

ANEXO

Termo municipal: Santiago de Compostela.

Situación: SUNP-1 (Meixonfrío).