Visto o expediente instruído para efectos de transmisión da batea Gerpe II, e da concesión administrativa que o ampara, resulta:

a ) Antecedentes de feito.

Primeiro: mediante escrito do 16-5-2003, Camilo Freire Castro solicitou autorización para transmisión da concesión da batea Gerpe II.

Segundo: os informes do Servicio de Protección de Recursos sobre as características da batea e do Servicio Técnico-Xurídico sobre a tramitación do expediente son favorables.

b ) Fundamentos xurídicos.

Primeiro: este órgano é competente para resolve-lo expediente de conformidade coa Lei 6/1993, do 11 de maio, de pesca de Galicia, e coa Orde do 14 de xuño de 1999, de delegación de competencias nos delegados territoriais da Consellería de Pesca e Asuntos Marítimos.

Segundo: o expediente seguiu tódolos trámites establecidos no procedemento administrativo común, coas especialidades previstas no Decreto 406/1996, do 7 de novembro, polo que se aproba o Regulamento de viveiros de cultivos mariños nas augas de Galicia, e na Orde do 15 de xuño de 1999, pola que se regula o procedemento para a transmisión da titularidade das concesións dos viveiros de cultivos mariños nas augas de Galicia.

Vistas as disposicións citadas, a proposta de resolución elaborada polo Servicio de Recursos Mariños, o artigo 89 da Lei 30/1992, do 26 de novembro, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común, e demais normas de xeral e pertinente aplicación, esta consellería

RESOLVE:

Autoriza-la transmisión inter vivos, a favor de José Manuel Piñeiro Romero (76965321F), baixo réxime de gananciais con Beatriz Martínez Rial (76970213T) e Jesús Mª Piñeiro Romero (44816395K), baixo réxi

me de gananciais con Mª Jesús Mariño Sánchez (52934696N), da concesión administrativa da batea que se indica a continuación:

Identificación:

Tipo: batea.

Nome : Gerpe II.

Localización:

Cuadrícula nº: 23.

Polígono: A.

Distrito: Noia (A Coruña).

Especies autorizadas: mexillón (Mytilus galloprovincialis).

Título habilitante:

Orde de outorgamento: 27-1-1965 (BOE/DOG nº 29).

Remate da vixencia: 3-2-2005.

Actuais titulares: Camilo Freire Castro (33061296S) e María Blanco Martínez (33060248W).

Novos titulares: José Manuel Piñeiro Romero (76965321F), Beatriz Martínez Rial (76970213T), Jesús María Piñeiro Romero (44816395K) e Mª Jesús Mariño Sánchez (52934696N).

Baixo as seguintes condicións:

Primeira.-Os actuais titulares deberá presentar no prazo máximo dun mes, contado desde o día seguinte ó da publicación desta orde no Diario Oficial de Galicia, orixinal ou fotocopia cotexada da seguinte documentación:

a) Documento notarial da transmisión ou doazón.

b) Solicitude ou carta de pagamento do imposto de transmisións patrimoniais ou documento de sucesións.

Segundo.-Transcorrido o prazo indicado na condición primeira sen ter achegado a documentación requirida, a autorización quedará sen efecto, logo de comunicación por parte da consellería.

Terceira.-Os novos titulares da concesión quedan subrogados nos dereitos e obrigas dos anteriores, desde o momento de formalización da compravenda en escritura pública.

Contra esta resolución, que esgota a vía administrativa, poderase interpoñer recurso potestativo de reposición no prazo dun mes ante o conselleiro de Pesca e Asuntos Marítimos, ou recurso contencioso-administrativo, ante a xurisdicción contencioso-administrativa, que se interporá no prazo de dous meses contados en ámbolos dous casos desde o día seguinte ó da súa publicación, de conformidade co disposto no artigo 116 da Lei 30/1992, do 26 de novembro, modificada pola Lei 4/1999, de 13 de xaneiro, de réxime xurídico das administracións públicas e do procedemento administrativo común e o artigo 46.1º da Lei 29/1998, do 13 de xullo, reguladora da xurisdicción contencioso-administrativa.

A Coruña, 13 de novembro de 2003.

P.D. (Orde 14-6-1999, DOG nº 120, do 24 de xuño)

Beatriz Mato Otero

Delegada territorial da Coruña