Por Orde do 10 de outubro de 2002 (DOG nº 199, do 15 de outubro) convocouse proceso selectivo para o ingreso no corpo superior de Administración da Xunta de Galicia (grupo A), e por Resolución do 18 de setembro de 2003 (DOG nº 182, do 19 de setembro) foron nomeados funcionarios en prácticas.

Unha vez que o correspondente tribunal publicou os resultados obtidos no curso selectivo por Resolución do 3 de decembro de 2003 (DOG nº 237, do 5 de decembro) e co obxecto de que os aspirantes que superaron o dito proceso selectivo polo sistema

de acceso libre accedan á condición de funcionarios coa maior brevidade posible, esta consellería

DISPÓN:

Convoca-los aspirantes que superaron o proceso selectivo polo sistema de acceso libre para o ingreso no corpo superior da Administración da Xunta de Galicia (grupo A), para a elección de destino definitivo, en único chamamento, no salón de actos pequeno da Consellería da Presidencia, Relacións Institucionais e Administración Pública, sito no soto desta consellería no edificio administrativo de San Caetano en Santiago de Compostela, o día 16 de decembro de 2003, ás 9.00 horas, podendo elixir, segundo a orde acadada no proceso selectivo, entre os postos que se relacionan no anexo desta orde, sempre que se reúnan as condicións esixidas nel.

Os aspirantes deberán ir provistos de DNI ou outro documento que acredite fidedignamente a súa personalidade.

Os aspirantes que non comparezan persoalmente poderán ser representados por terceiras persoas con poder notarial suficiente.

Ós aspirantes que non comparezan persoalmente ou por medio de representante, seranlles adxudicados en destino definitivo as prazas que lles corresponden atendendo á orde de publicación desta e ó número obtido no proceso selectivo, unha vez concluído o proceso de adxudicación de prazas ós aspirantes presentes ou representados, e entre as que quedasen sen adxudicar.

Santiago de Compostela, 5 de decembro de 2003.

Jaime Pita Varela

Conselleiro da Presidencia, Relacións Institucionais

e Administración Pública

ANEXO

Listaxe ordenada por consellería e código de posto.