Anuncio de licitación para adxudicar por concurso público, vía de procedemento aberto e urxente, a prestación dos servicios de limpeza das instalacións dos colexios públicos de Cervo e anexos, de Galdín e Mestre Rivera Casás, así como dos vestiarios do pavillón deportivo de San Cibrao, a casa do concello, os edificios onde está instalada a policía local e protección civil, o antigo concello e o hospitaliño de Cervo.
1. Entidade adxudicadora.
Concello de Cervo, praza do concello 27891-Cervo (Lugo). Teléfono: 982 55 77 77. Fax: 982 55 77 29. Lugar onde se pode obter maior información.
a) Dependencia que tramita o expediente: secretaría do concello, onde poderán obter copia do prego de condicións e demais información que compón o expediente.
2. Obxecto do contrato.
a) Descrición do obxecto: constitúe o obxecto deste contrato a prestación do servicio de limpeza de tódalas instalacións seguintes: colexios públicos de Cervo e anexos, de Galdín e Mestre Rivera Casás, así como dos vestiarios do pavillón deportivo de San Cibrao, a casa do concello, os edificios onde está instalada a policía local e protección civil, o antigo concello e o hospitaliño de Cervo.
b) Lugar de execución: San Cibrao e Cervo.
c) Duración do contrato: dous anos, sen prexuízo da súa prórroga de mutuo acordo ata un máximo de catro anos, nos termos do artigo 198 do TRLCAP.
3. Tramitación, procedemento e forma de adxudicación.
a) Tramitación: urxente, segundo o acordo corporativo.
b) Procedemento: aberto.
c) Forma: concurso.
4. Orzamento base de licitación.
O orzamento do contrato que serve de base na licitación ascende a un total de sesenta e sete mil setecentos vintedous euros con sesenta céntimos/ano (67.722,60 A) IVE, demais impostos, anuncios e gastos incluídos.
5. Garantías.
a) Provisional: 2% tipo de licitación.
b) Definitiva: 4% do orzamento do contrato.
6. Requisitos: «están capacitados para contratar las persoas naturais ou xurídicas, españolas o estranxeiras, que teñan plena capacidade de obrar e non estean afectadas por ningunha das circunstancias que enumera o artigo 20 da Lei de contratos das administracións públicas.
Dado o orzamento dos servicios obxecto de contratación, de acordo co artigo 25 do TRLCAP, non é preciso que os concursantes ou licitadores obteñan a oportuna clasificación.
Non obstante a solvencia técnica será a acreditada por algún dos medios previstos no artigo 19 do TRLCAP aprobado polo Real decreto lexislativo 2/2000; a solvencia económica-financeira se xustifícase por un ou varios dos medios previstos no artigo 16 do citado Real decreto lexislativo 2/2000».
7. Presentación de ofertas.
a) As ofertas presentaranse no Concello de Cervo, dentro dos 13 días naturais seguintes ó da publicación do modelo normalizado de anuncio de licitación no BOP, antes das 14.00 horas do día no que remate o prazo. Tamén se poderán presentar proposicións por correo, acreditando o interesado a data de imposición nas oficinas de correos por medio de fax, télex ou telegrama remitido para o efecto. Sen cumprir estes requisitos non será admitida a proposición no caso que se recibira fóra do prazo fixado no anuncio de licitación.
b) Documentación que hai que presentar: figura descrita no prego de bases.
8. Clasificación de documentación e apertura de plicas: terá lugar no salón de actos da Comisión de Goberno, ás 12.30 horas do primeiro día hábil seguinte ó de remate do prazo para presentar proposicións. Se coincide con sábado trasladarase ó primeiro día hábil seguinte.
9. Gastos de anuncios, tributos e outros derivados da contratación: por conta do adxudicatario.
10. Exposición simultánea do prego de cláusulas administrativas particulares e do anuncio para a presentación de proposicións.
«Conforme o parágrafo 2º do artigo 122 do Real decreto lexislativo 781/1986, do 18 de abril, a exposición do prego de cláusulas administrativas particulares e do anuncio para a presentación de proposicións (anuncio de licitación) realizarase en unidade do acto, poderanse presentar reclamacións contra o prego durante os 8 días hábiles seguintes á publicación do anuncio.
Se dentro de tal prazo se producisen reclamacións contra o prego suspenderase a licitación e o prazo para a presentación de proposicións, reiniciándose o que quede a partir do día seguinte ó da resolución daquelas».
Cervo, 26 de novembro de 2003.
José Insua Pernas
Alcalde
