Na Sala do Contencioso-Administrativo do Tribunal Superior de Xustiza de Galicia tramítase o recurso número 612/2003 (procedemento ordinario) interposto por Juan Carlos Varela Fraga na súa condicións de aspirante no proceso extraordinario de consolidación de emprego convocado por Resolución do 20 de maio de 2002 (DOG do 3 de xuño).

O recorrente, aspirante da categoría de calefactor, pretende que se valore como correcta a resposta A da pregunta número 14 do exercicio práctico da fase de oposición (base 7ª A).1.1. da convocatoria) ou

que se anule esta pregunta, puntuando a terceira pregunta de reserva e que, como consecuencia deste cambio de puntuación, resulte incluído na lista definitiva de aprobados.

O que se notifica para xeral coñecemento de tódalas persoas interesadas no procedemento, que son emprazadas para que poidan comparecer no xulgado como demandados no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdicción contencioso-administrativa.

Santiago de Compostela, 31 de outubro de 2003.

José Ignacio Lema Piñeiro

Director xeral da División de Recursos Humanos