En cumprimento do disposto no artigo 123 da Lei de augas, Real decreto lexislativo 1/2001, do 20 de xullo, nos capítulos II e V do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, e nos títulos IV e IX da Lei 54/1997, do 27 de novem

bro, do sector eléctrico, sométese a información pública, por solicitude da empresa Unión Fenosa Generación, S.A., as instalacións que a continuación se describen:

Obxecto de información pública.

Declaración de utilidade pública, autorización administrativa e aprobación do proxecto de execución das instalacións que comprende o proxecto do aproveitamento hidroeléctrico do río Ulla Salto de Frádegas.

A declaración de utilidade pública levará implícita, de acordo co artigo 54 da Lei 54/1997, do 27 de novembro, do sector eléctrico, a necesidade de urxente ocupación para os efectos de expropiación forzosa dos bens e dereitos afectados necesarios para o establecemento destas instalacións.

Peticionario: Unión Fenosa Generación, S.A.

Enderezo: Avenida de San Luis, 77, 28033 Madrid.

Localización: concellos de Agolada (Pontevedra), Palas de Rei e Antas de Ulla (Lugo).

Características do aproveitamento.

1. Río: Ulla.

2. Caudal máximo derivado: 7.000 l/s.

3. Desnivel máximo: 94,75 m.

4. Cota de nivel do encoro: 434,75 m.s.n.m.

5. Cota de restitución: 340 m.s.n.m.

6. O aproveitamento consta dun azude coas seguintes características:

-Cota da canle no eixo: 429,75 m.s.n.m.

-Tipo: de gravidade de planta recta.

-Altura do nivel do encoro sobre a canle: 5 m.

-Lonxitude da coroación: 90 m.

-Altura máxima sobre cimentos: 10,75 m.

-Tipo de aliviadoiro: de labio fixo tipo Creager e 60 m de lonxitude.

7. Tipo de explotación: fluente.

8. Instalacións electromecánicas:

-O aproveitamento consta de dous grupos xeradores idénticos das seguintes características respectivas:

a) Caudal: 3.500 l/s.

b) Turbina: Francis de eixo horizontal.

c) Salto neto: 93,05 m.

d) Rendemento do grupo: 0,94.

e) Potencia eléctrica activa: 2.994 kW.

f) Xerador síncrono de 3.327 kVA.

g) Factor de potencia: 0,9.

h) Tensión de xeración: 6 kV.

-Instalarase un transformador trifásico en baño de aceite de 7 MVA cunha relación de transformación de 66/6 kV.

-Un transformador de servicios auxiliares de 250 kVA e 6/0,4 kV de relación de transformación.

-Instalacións de protección, manobra, mando, sinalización, medida e interconexión.

-Potencia total: 5.988 kW.

-Producción media anual: 20,37 GWh.

O que se fai público para coñecemento xeral e dos propietarios dos predios e demais titulares afectados que non chegaron a un acordo coa entidade solicitante e que figuran na relación que se insire como anexo deste anuncio, así como as persoas que, sendo titulares de dereitos reais ou intereses económicos sobre os bens afectados, fosen omitidos,

para que poidan examina-lo proxecto e presenta-las obxeccións ou alegacións que consideren oportunas, nesta dirección xeral sita no edificio administrativo San Caetano-Bloque 5-4ª planta, 15771 (Santiago de Compostela) ou ben nas delegacións provinciais da Consellería de Innovación, Industria e Comercio de Lugo e Pontevedra, no prazo dun mes, contados a partir da última publicación deste anuncio.

Faise constar que esta publicación se realizará igualmente para os efectos determinados polo artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, cando os interesados sexan descoñecidos, se ignore o lugar ou el medio de notificación, ou ben, intentada a notificación, non se puidese realizar.

Ramón Ordás Badía

Director xeral de Industria, Enerxía e Minas

Relación de bens e dereitos afectados

Aproveitamento hidroeléctrico Salto de Frádegas

Concello de Antas de Ulla

Concello de Agolada

Concello de Palas de Rei