A demanda de financiamento axústase ós seguintes termos:
Modalidade: préstamo.
Importe: ata 6.000.000 de euros.
Moeda: euros.
Modalidades:
Opción A: tipo de xuro variable referenciado a euribor a 3 meses.
Prazo: 10 anos (incluída carencia).
Carencia: 2 anos.
Opción B: tipo de xuro fixo referenciado ó tipo de oferta do IRS a 6 anos.
Prazo: 10 anos (incluída carencia).
Carencia: 2 anos.
(Sociedade Pública de Investimentos de Galicia, S.A. resérvase, en función dos importes ofertados, o dereito a optar por calquera das opcións ou ben calquera das combinacións entre elas).
Garantías: as que se deriven do convenio marco asinado ente a Xunta de Galicia e Sociedade Pública de Investimentos de Galicia, S.A. O contrato que se asine, poderá incluír dentro das causas de vencemento anticipado a modificación substancial do accionariado de Sociedade Pública de Investimentos de Galicia, S.A.
Presentación de ofertas:
As ofertas dirixiranse en sobre pechado á atención do presidente de Sociedade Pública de Investimentos de Galicia, S.A., praza de Europa, 10 A, 5º, 15703 Santiago de Compostela, facendo constar nel, na marxe superior esquerdo o seguinte: «Oferta préstamo decembro 2003».
Prazo de presentación de ofertas:
As ofertas deberán presentarse antes das 14.00 horas do día 5 de decembro de 2003 no rexistro de Sociedade Pública de Investimentos de Galicia, S.A.
O/os mandato/s serán outorgado/s no prazo máximo de 10 días, contados desde a finalización do período de presentación de ofertas.
Santiago de Compostela, 1 de decembro de 2003.
Juan José Novoa Montero
Presidente de Sociedade Pública de Investimentos
de Galicia, S.A.