A Comisión de Goberno, en sesión de vinte de outubro de dous mil tres, prestou aprobación con carácter inicial, ó proxecto de modificación puntual do catálogo de edificacións e elementos para conservar do termo municipal (cidade e rural) formulado por este concello e redactado polo arquitecto xefe da Oficina Técnica de Planeamento e Xestión Urbanística en abril de 2003, referido á ficha nº 30, edificio situado na rúa Xeneral Martitegui, nº 4, rebaixando o nivel de protección da categoría Ambiental A a Ambiental B, coa determinación concreta de restaura-los balaústres dos balcóns, así como a porta de entrada do edificio, dispoñéndose o sometemento á información pública.
Durante o prazo dun mes, contado a partir da publicación deste anuncio no Diario Oficial de Galicia, calquera interesado poderá examinar no Servicio de Urbanismo, Medio Ambiente e Patrimonio Histórico deste concello (rúa Churruchaos, nº 2 desta cidade) a documentación inicialmente aprobada e formula-las alegacións que coide pertinentes.
Pontevedra, 10 de novembro de 2003.
P.D.
Xosé Cesáreo Mosquera Lorenzo
Tenente alcalde delegado da Área de Urbanismo e Medio Ambiente
Julio Dapena Outomuro
Secretario xeral