DOG 234 do 02/12/2003 - RESOLUCIÓN do 18 de novembro de 2003, da Dirección Xeral de Calidade e Avaliación Ambiental, pola que se somete a información pública os estudios de impacto ambiental para as selaxes dos vertedoiros de RSU do Vicedo, A Fonsagrada e Becerreá (Lugo), promovidos pola Subdirección Xeral de Calidade Ambiental e os concellos do Vicedo, A Fonsagrada e Becerreá, respectivamente.

VI. ANUNCIOS

DA ADMINISTRACIÓN AUTONÓMICA

CONSELLERÍA DE MEDIO AMBIENTE

RESOLUCIÓN do 18 de novembro de 2003, da Dirección Xeral de Calidade e Avaliación Ambiental, pola que se somete a información pública os estudios de impacto ambiental para as selaxes dos vertedoiros de RSU do Vicedo, A Fonsagrada e Becerreá (Lugo), promovidos pola Subdirección Xeral de Calidade Ambiental e os concellos do Vicedo, A Fonsagrada e Becerreá, respectivamente.

En cumprimento do disposto no artigo 5, punto 2º, do Decreto 442/1990, do 13 de setembro, de avaliación do impacto ambiental para Galicia (DOG nº 188, do 25 de setembro), o órgano ambiental someterá o estudio de impacto ambiental ó trámite de información pública mediante anuncio no Diario Oficial de Galicia.

Na súa virtude

RESOLVO:

1. Someter a información pública os estudios de impacto ambiental para a selaxe dos vertedoiros de R.S.U. do Vicedo, A Fonsagrada e Becerreá.

2. Para os devanditos efectos informativos, poranse ó dispor dos administrados exemplares nas seguintes dependencias:

* Dirección Xeral de Calidade e Avaliación Ambiental.

* Delegación Provincial da Consellería de Medio Ambiente da provincia de Lugo.

3. As alegacións formularanse durante o prazo de trinta (30) días, contados a partir do seguinte día ó da publicación desta resolución no Diario Oficial de Galicia.

Santiago de Compostela, 18 de novembro de 2003.

José Manuel Álvarez-Campana Gallo

Director xeral de Calidade e Avaliacion Ambiental