De conformidade co disposto no artigo 59.2º e 59.5º da Lei 30/1992, do 26 de setembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, notifícaselles ás persoas da relación adxunta que a Dirección Xeral de Infraestructuras Agrarias acordou o día 24 de xullo de 2003 a aprobación do acordo da concentración de Riotorto-Bardaio, Cores (Ponteceso), que está exposto ó público no Concello de Ponteceso e nos lugares de costume, de conformidade co disposto nos artigos 36 e 40 da Lei 10/1985, de concentración parcelaria para Galicia, modificada pola Lei 12/2001, do 10 de setembro, ó non ser posible a súa notificación a través do servicio de correos

No referido acordo figura a correspondente ficha de atribucións cos predios de substitución.

Para o caso de que se tivesen formuladas alegacións en relación co proxecto, o resultado destas sería o que deriva das fichas de atribucións.

Contra o devandito acordo, que non é definitivo na vía administrativa, os interesados da relación adxunta poderán interpoñer recurso de alzada ante o conselleiro de Política Agroalimentaria e Desenvolvemento Rural no prazo de 30 días naturais contados a partir do día seguinte ó da súa publicación no Diario Oficial de Galicia.

A Coruña, 29 de outubro de 2003.

Jesús Collar Urquijo

Delegado provincial da Coruña