Visto o acordo da comisión de reclamacións do claustro universitario desta universidade, adoptado na súa reunión do 3 de novembro de 2003, polo que se ratifica a proposta formulada pola comisión encargada de xulga-lo concurso convocado por Resolución do 13 de novembro de 2001 (BOE do 27 de novembro), para a provisión da praza número 01/211 de profesor titular de escola universitaria da área de coñecemento de economía aplicada, do departamento de Economía Aplicada desta universidde, a favor de Ramón José Núñez Gamallo, e unha vez acreditados polo interesado os requisitos ós que alude o punto 2º do artigo 5 do Real decreto 1888/1984, do 26 de setembro.
Este rectorado, en uso das atribucións conferidas polo artigo 20 da Lei 6/2001, do 21 de decembro, de universidades, resolveu nomear a Ramón José Núñez Gamallo profesor titular de escola universitaria da área de coñecemento de economía aplicada, do departamento de Economía Aplicada desta universidade.
A Coruña, 10 de novembro de 2003.
P.D. (Resolución 26-9-2003)
Eliseo Alfonso Barca Lozano
Rector da Universidade da Coruña en funcións