De conformidade coa proposta da comisión designada para xulga-lo concurso que convocou esta universidade por Resolución do 13 de novembro de 2001 (BOE do 27 de novembro), para a provisión da praza número 092/2001 de catedrático de universidade da área de coñecemento de enxeñería do terreo, do departamento de Tecnoloxía da Construcción desta universidade, a favor de Carlos Salvador Oteo Mazo, e unha vez que o interesado acreditara os requisitos ós que alude o apartado 2º do artigo 5 do Real decreto 1888/1984, do 26 de setembro,

Este rectorado, no uso das atribucións que lle confire o artigo 20 da Lei 6/2001, do 21 de decembro, de universidades e demais disposicións que a desenvolven, resolveu nomear a Carlos Salvador Oteo Mazo, catedrático de universidade da área de coñecemento de enxeñería do terreo, do departamento de Tecnoloxía da Construcción desta universidade.

A Coruña, 5 de novembro de 2003.

(Resolución 26-9-2003)

Eliseo Alfonso Barca Lozano

Rector da Universidade da Coruña en funcións