Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita.

Solicitante: UDESA.

Domicilio social: rúa Madrid, 1-B (polígono das Fontiñas), 15707 Santiago de Compostela, A Coruña.

Denominación: L.M.T.A., C.T.I. planta de formigón (O Acevedo, Cerceda).

Situación: Cerceda.

Descricións técnicas: L.M.T.A. a 20 kV de 17 m de lonxitude en conductor LA-56, que parte do apoio nº 3 de la L.M.T. a C.T. Portofranco e final no C.T.I. planta de formigón O Acevedo de 160 kVA. Concello de Cerceda.

Cumpridos os trámites ordenados na Lei 54/1997, do 27 de novembro, do sector eléctrico (BOE nº 285), e no título VIII, capítulo II, do Real decreto 1955/2000, do 1 de decembro (BOE nº 310), sobre autorización de instalacións eléctricas, esta delegación provincial resolve:

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación. As instalacións executaranse nun prazo non superior a seis meses, contados a partir da data desta resolución.

Contra a presente resolución poderase interpoñer recurso de alzada ante o conselleiro de Innovación, Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que se estime pertinente.

A Coruña, 20 de outubro de 2003.

Jesús Espada Martínez

Delegado provincial da Coruña