A base segunda da Orde do 21 de outubro de 2003 (DOG do 21 de outubro), pola que se convocaba concurso de traslados para a provisión de prazas vacantes entre funcionarios docentes dos corpos de profesores que imparten ensino secundario, formación profesional, ensinanzas artísticas e idiomas, determinaba que se convocaban as vacantes existentes no momento da convocatoria, as que se producisen ata o 31 de decembro de 2003 e as que resulten da resolución do concurso en cada corpo polo que se concursa. Todas elas sempre que se correspondan con prazas que teñan o seu funcionamento previsto na planificación xeral educativa. As vacantes definitivas publicaranse no DOG.

Na súa virtude, esta consellería

DISPÓN:

Primeiro.-Publicar nos anexos I, II, III, IV, V, VI e VII desta orde as vacantes provisionais para o

curso 2004-2005 nos colexios públicos integrados, institutos de ensino secundario, escolas oficiais de idiomas, conservatorios de música, escolas de artes aplicadas e oficios artísticos.

Segundo.-Tódalas vacantes que figuran nos anexos poderán ser obxecto de concurso de traslados, conforme o disposto na orde de convocatoria, sempre que figuren na relación definitiva.

Terceiro.-As vacantes da especialidade de administración de empresas poderán completar horario, preferentemente con economía ou formación e orientación laboral e as vacantes de formación e Orientación laboral con economía.

Cuarto.-Resoltas, se é o caso, as reclamacións presentadas á presente orde, publicaranse no DOG as vacantes definitivas que serán obxecto do concurso de traslados.

Santiago de Compostela, 12 de novembro de 2003.

Celso Currás Fernández

Conselleiro de Educación e Ordenación

Universitaria