O Consello da Xerencia Municipal de Urbanismo, en sesión do 23 de outubro de 2003 adoptou, entre outros, o acordo de aprobar inicialmente o plan especial no ámbito definido pola avda. de Aeroporto e as ruás Benito Castro Nogueira, Mestre Soutullo e Cronista J. Espinosa, para o establecemento dunha dotación urbanística viaria básica, en solo urbano consolidado, que unirá as rúas Mestre Soutullo e Benito Castro Nogueira, conforme a documentación presentada como estudio de detalle, con data 21 de xaneiro de 2003, por Maribel Cendón Rodríguez, Roberto Domínguez Cendón e outros, redactada
polos arquitectos Perfecto Cendón Domínguez e Francisco Javier Vázquez Fernández, con visado do COAG do 8 de xaneiro de 2003.
Sométese este expediente ó trámite de información pública polo prazo dun mes, mediante anuncio no DOG, e en dous xornais de maior difusión da provincia, debendo publicarse o anuncio, neste último caso, en dous días consecutivos. O prazo de exposición pública entenderase aberto desde a primeira publicación ata o remate do mes contado desde o derradeiro anuncio.
A documentación do presente expediente atópase ó dispor do público en xeral na oficina de información urbanística, na planta baixa da xerencia.
O presente anuncio servirá de notificación, nos termos establecidos nos artigos 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, para todos e todas aqueles/as interesados/as directamente afectados/as que por resultar descoñecidos/as ou por ignora-lo seu domicilio non poidan ser notificados/as persoalmente.
Vigo, 4 de outubro de 2003.
Mauricio Ruiz Ceniceros
Vicepresidente da Xerencia Municipal
de Urbanismo do Concello de Vigo