Visto o expediente instruído para efectos de transmisión do título habilitante do establecemento que
se cita a continuación, e da concesión administrativa que o ampara, resulta:
A) Antecedentes de feito.
Primeiro: Juan Jesús Michinel Moar no seu nome e representación solicitou a transmisión do título habilitante e da concesión administrativa dunha cetaria, situada no lugar de Mixirique, concello de Muxía (A Coruña).
Segundo: o interesado achegou a documentación requirida para a tramitación.
Terceiro: no expediente consta a seguinte documentación, referida ó resultado da información oficial.
-Informe técnico favorable da Delegación Territorial da Coruña.
-Informe favorable sobre a transmisión da concesión de ocupación do dominio público marítimo-terrestre, do Ministerio de Medio Ambiente do 23 de abril de 2002.
-Informe xurídico favorable do Servicio Técnico Xurídico.
B) Fundamentos xurídicos.
Primeiro: este órgano é competente para resolve-lo expediente de conformidade coa Lei 6/1993, do 11 de maio, de pesca de Galicia, e coa Orde do 14 de xuño de 1999 de delegación de competencias nos/as delegados/as territoriais da Consellería de Pesca e Asuntos Marítimos.
Segundo: o expediente seguiu tódolos trámites establecidos no procedemento administrativo común, coas especialidades previstas na Orde do 21 de xullo de 2000 (DOG nº 153), pola que se regula o procedemento para a transmisión do permiso de actividade nos establecementos de cultivos mariños e auxiliares.
Vistas as disposicións citadas, a proposta de resolución elaborada polo Servicio de Recursos Mariños, o artigo 89 da Lei 30/1992, do 26 de novembro, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común, e demais normas de xeral e pertinente aplicación, esta consellería
RESOLVE:
Autoriza-la transmisión, a favor de Muxía Mar, S.L. (CIF: B-15255029), do título habilitante e da concesión administrativa do establecemento que se indica a continuación:
Identificación:
Tipo: cetaria.Nome: Juan Jesús Michinel Moar.
Actividade: estabulación de crustáceos.
Localización: lugar de Mixirique, concello de Muxía (A Coruña).
Especies autorizadas: crustáceos.
Títulos habilitante:
Orde de outorgamento: 29 de abril de 1988(DOG do 15 de xuño).
Remate da vixencia: 15-6-2008.
Actual titular: Juan Jesús Michinel Moar (DNI/CIF: 32749004-V).
Novo titular: Muxía Mar, S.L. (CIF: B-15255029).
O novo titular subrógase nos dereitos e obrigas do anterior.
Contra esta resolución, que esgota a vía administrativa, poderase interpoñer recurso potestativo de reposición no prazo dun mes ante o conselleiro de Pesca e Asuntos Marítimos, ou recurso contencioso-administrativo, ante a xurisdicción contencioso-administrativa, no prazo de dous meses, contados en ámbolos dous casos desde o día seguinte ó da súa publicación, de conformidade co disposto no artigo 116 da Lei 30/1992, do 26 de novembro, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común e o artigo 46.1º da Lei 29/1998, do 13 de xullo, reguladora da xurisdicción contencioso-administrativa.
A Coruña, 6 de outubro de 2003.
P.D. (Orde 14-6-1999, DOG nº 120, do 24 de xuño)
Beatriz Mato Otero
Delegada territorial da Coruña