Para os efectos previstos na Lei 54/1997, do 27 de novembro, e no artigo 125 do Real decreto 1955/2000, do 1 de decembro, sométese a información pública a petición de autorización da instalación eléctrica que se cita:
Solicitante: Unión Fenosa Distribución, S.A.
Domicilio social: Travesía de Vigo, 204, 36207 Vigo.
Denominación: L.M.T., C.T. Travesía de Vigo, 202.
Situación: concello de Vigo.
Descricións técnicas: L.M.T. subterránea a 15 kV con conductor tipo R.H.V. de 310 m de lonxitude, con orixe na arqueta situada no cruzamento das rúas Travesía de Vigo e Aragón e remate na L.M.T.S. ó C.T. existente á altura do nº 216 da rúa Aragón, alimentando en bucle ó C.T. proxectado, con dous trafos de 630 kVA c/u, R.T. 15 kV/380-220 V, situado na Travesía de Vigo (xunto a rampa de acceso para vehículos ó centro comercial), no concello de Vigo.
Todas aquelas persoas ou entidades que se consideren afectadas poderán presenta-las súas alegacións nesta delegación provincial, no prazo de vinte días.
Pontevedra, 18 de setembro de 2003.
Carmen Bianchi Valcarce
Delegada provincial de Pontevedra