Aprobado inicialmente pola Comisión de Goberno do 5 de setembro de 2003 o Plan de sectorización do sector do solo apto para urbanizar industrial Z-6, e de conformidade co disposto no artigo 86.1º da Lei 9/2002, do 30 de decembro, de ordenación urbanística e protección do medio rural de Galicia, sométese á información pública polo prazo dun mes, mediante anuncio que se publicará no Diario Oficial de Galicia e nos xornais El Progreso e La Voz de Galicia, computándose o dito período desde o día seguinte ó da publicación deste anuncio no Diario Oficial de Galicia, co fin de que se poida examina-lo seu contido e presenta-las alegacións ou observacións que se cosideren convenientes.
Ante a eventualidade de que poidan existir interesados e/ou propietarios descoñecidos neste procedemento, se ignore o lugar de notificación dalgún ou intentada, esta non se poidera practicar, sirva o presente anuncio de notificación, coa finalidade e alcance que se contemplan no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada parcialmente pola Lei 4/1999, do 13 de xaneiro.
Ourol, 17 de setembro de 2003.
Alejandra Cal Chao
Alcaldesa en funcións