Visto o acordo da revisión das táboas salariais para o ano 2003 e a modificación dos artigos 3, 6, 7, 8, 15 e 37 do convenio colectivo para o sector do comercio de materiais de construcción e saneamento da provincia de Lugo (código 2700175), asinado o día 30 de xullo de 2003, pola representación da Asociación Provincial de Empresarios de la Construcción (APEC), e das centrais sindicais MCA-UGT (58,33%), FECOMA-CC.OO. (41,76%) e de conformidade co disposto no artigo 90.2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, e no Real decreto 1040/1981, do 22 de maio, sobre rexistro e depósito de convenios colectivos de traballo.

Esta delegación provincial

ACORDA:

Primeiro.-Ordena-la inscrición da revisión e a modificación do citado convenio colectivo no rexistro de convenios desta delegación, así como o seu depósito.

Segundo.-Remiti-lo texto da revisión e a modificación do citado convenio colectivo á Dirección Xeral de Relacións Laborais da Xunta de Galicia.

Terceiro.-Dispoñe-la súa publicación no Diario Oficial de Galicia.

Lugo, 18 de agosto de 2003.

Ana Chao Vázquez

Delegada provincial de Lugo

Asistentes.

Representación sindical:

Por MCA-UGT co 58,33%:

Adolfo Mosteirín Turia.

José Carlos Rodríguez del Río (asesor).

José Luis Combarro Infante.

Carlos García Vázquez.

José Seijas Rouco.

Manuel José Fernández Rodríguez.

Por FECOMA-CC.OO. con el 41,67%:

Ángel Barreiro Pérez.

Jesús Varela Lodeiro.

José Manuel Brea Méndez.

J. Javier Enrique Simón.

Ramiro López Peruga.

Manuel Valín Ceide.

Por FCM-CIG:

Ignacio Javier García Gómez.

Carmen Antas Pérez.

Representación patronal (APEC):

Hipólito Trinidad Losada.

Miguel Varela Varela.

Ricardo Castro López.

Luciano Méndez.

Manuel Sánchez Varela.

José Bouso Alvite.

Asesora:

Pilar Díaz Rodríguez.

Na cidade de Lugo no 30 de xullo de 2003 reúnense os representantes das centrais sindicais e de APEC que se indican arriba, integrantes da comisión deliberadora do convenio colectivo de comercio de materiais de construcción e saneamento da provincia de Lugo, para revisar e actualiza-lo convenio do 29 de agosto de 2002 (BOP de Lugo nº 221, do 25 de setembro), recoñecéndose lexitimación e capacidade suficiente para negociar en razón da representatividade que teñen, adoptan os seguintes acordos:

Primeiro.-Aprobar por unanimidade a táboa de retribucións para o ano 2003, que se xunta á presente acta.

Segundo.-Aprobar por unanimidade as seguintes modificacións do convenio:

Artigo 3º.-Lexislación supletoria.

No non previsto neste convenio será de aplicación a lexislación xeral e o convenio xeral do sector da construcción publicado no BOE do 10-8-2002 e acordo sectorial nacional publicado no BOE número 157 do dous de xullo de 2003.

Artigo 6º.-Vixencia e incrementos salariais.

A vixencia para efectos económicos do presente convenio será desde o 1 de xaneiro de 2003 ó 31 de decembro de 2003, logo da súa publicación no Diario Oficial de Galicia ou no BOP coas actualizacións que se determinan no artigo 6º.

Non obstante o anterior, e en evitación do baleiro normativo que noutro caso de produciría, unha vez terminada a súa vixencia inicial, ou a de calquera das súas prórrogas, continuará rexendo na súa totalidade tanto o seu contido normativo como o obrigacional ata que sexa substituído por outro.

Artigo 7º.-Incrementos económicos.

O incremento económico encóntrase reflectido nos conceptos de salario base, gratificacións extraordinarias, retribución de vacacións e complementos selariais e extrasalariais que figuran no anexo I.

Artigo 8º.-Cláusula de garantía salarial.

Para o ano 2003, no suposto de que o índice anual de prezos de consumo (IPC) no 31 de decembro dese ano supere o 2 por 100 correspondente ó IPC previsto nos orzamentos xerais do Estado, efectuarase unha revisión económica no exceso producido que afectará os conceptos previstos no artigo 7º, para efectos de que sirva de base para as táboas salariais dos convenios do ano seguinte e sen efecto retroactivo ningún.

Artigo 15º.-Xornada de traballo.

A xornada laboral normal de traballo establécese en 1.752 horas efectivas anuais de traballo que se realizarán en razón de 40 horas semanais, a repartir de luns a venres a razón de oito horas diarias, sendo inhábiles sábados e domingos, conforme o calendario laboral vixente.

Artigo 37º.-Indemnizacións.

1. Establécense as seguintes indemnizacións para tódolos traballadores afectados por este convenio:

a) En caso de morte derivada de enfermidade común ou accidente non laboral, o importe dunha mensualidade de tódolos conceptos das táboas do convenio aplicable vixentes en cada momento.

b) En caso de morte, incapacidade permanente absoluta ou grande invalidez, derivadas de accidente de traballo ou enfermidade profesional, a cantidade de 38.000 euros.

c) En caso de incapacidade permanente total derivada de accidente de traballo ou enfermidade profesional, a cantidade de 21.000 euros.

Para a cobertura das indemnizacións previstas nas alíneas b e c, las empresas subscribirán unha póliza individual ou colectiva que deberán exhibir ó traballador que así o solicite.

2. Salvo designación expresa de beneficiarios polo asegurado, a indemnización farase efectiva ó traballador accidentado ou, en caso de falecemento, ós herdeiros legais do traballador.

3. A materia regulada neste artigo, por ser das reservadas ó ámbito xeral estatal, non poderá ser obxecto de regulación en ámbito inferior, e será compensable e absorbible coas indemnizacións que por estes conceptos estivesen establecidas con anterioridade á entrada en vigor do convenio xeral.

4. As indemnizacións previstas nas alíneas b) e c) deste artigo serán consideradas á conta de calquera outra cantidade que puidese ser recoñecida como consecuencia de responsabilidades civís sempre que non deriven de condenas penais esixidas ou impostas ó empresario, debendo deducirse destas, en todo caso, considerando a natureza civil que teñen as mesmas e ámbalas partes lle recoñecen.

Tampouco estas indemnizacións podrán servir como base para a imposición da recarga de pres

tacións por falta de medidas de seguranza e saúde no traballo.

5. Para os efectos de acredita-lo dereito ás indemnizacións aquí pactadas, considerarase como data do feito causante aquela na que se produce o accidente de traballo ou a causa determinante da enfermidade profesional.

6. As indemnizacións pactadas comezarán a obrigar ós 30 días da publicación do convenio xeral do sector da construcción.

Terceiro.-O pagamento dos atrasos aboarase ó mes seguinte da publicación das táboas salariais no BOP ou no DOG. Aquelas empresas que tivesen aboado cantidades á conta dos incrementos establecidos nas presentes táboas aboarán unicamente as diferencias que resulten de aplicación.

Cuarto.-Autorizar expresamente a asesora da comisión negociadora Pilar Díaz Rodríguez para que se dirixa á Delegación Provincial da Consellería de Asuntos Sociais, Emprego e Relacións Laborais en Lugo para os efectos de proceder á tramitación, depósito e publicación no DOG e no BOP.

E en proba de conformidade asinan a presente acta os integrantes da comisión mixta deliberadora, excepto FCM-CIG, no lugar e data indicados no encabezamento.

ANEXO I

Táboa de retribucións año 2003

Vixencia 1-1-2003 ata 31-12-2003

Mensual	Anual
		Salario	Complementos	Complemento	Gratificacións	Total	Valor
Niveis	Categoría	base	asit./produc. puntualidade	extrasalarial	Total	Vacacións	Xullo	Nadal	anual	hora extraord.

II	Titulado superior.	688,42	188,14	73,25	949,81	861,35	1.041,42	1.041,42	13.392,10	8,72
III	Titulado medio, xefe admvo. 1ª, xefe secc. org. 1ª.	687,70	188,14	73,25	949,09	861,41	1.041,23	1.041,23	13.383,86	7,99
IV	Xefe de persoal, axte. de obra, encargado xeral de fábrica, encargado xeral.	686,36	188,14	77,15	951,65	861,41	1.040,83	1.040,83	13.411,22	7,34
V	Xefe administrativo de 2ª, delineante superior, encargado xeral de obra, xefes de sección de organización científica do traballo de 2ª, xefe de compras.	640,73	179,24	68,56	888,53	812,13	979,11	979,11	12.544,18	6,91
VI	Ofic. admvo. de 1ª, delineante de 1ª, xefe ou encargado de taller, encargado de sección de laboratorio, escultor de pedra e mármore, práctico de topografía de 1ª, técnico de organización, encargado de obra.	572,61	183,40	64,12	820,13	797,77	952,57	952,57	11.724,34	6,82
VII	Delineante de 2ª, técnico de organización de 2ª, práctico de topografía de 2ª, analista de 1ª, viaxante, especialista de oficio, capataz.	571,20	149,24	61,33	781,77	769,07	923,88	823,88	11.216,30	6,55
VIII	Oficial admvo. 2ª, corredor de praza, inspector de control, sinalización e servicios, analista de 2ª, oficial 1ª de oficio.	570,48	139,85	60,56	770,89	765,40	920,21	920,21	11.085,61	6,46
IX	Auxiliar admvo., axte. topográfico, aux. organiz., vendedor, conserxe, oficial 2ª de oficio.	567,47	74,03	55,66	697,16	739,74	894,54	894,54	10.197,58	6,04
X	Auxiliar de laboratorio, vixilante, almaceneiro, enfermeiro, cobrador, garda xurado, especialista de 1ª, axudante de oficio.	566,85	69,00	55,27	691,12	735,79	890,59	890,59	10.119,29	5,99
XI	Especialista de 2ª, peón especial.	566,58	67,52	55,07	689,17	734,62	889,42	889,42	10.094,33	5,98
XII	Limpadora, peón ordinario.	564,24	23,09	51,80	639,13	719,86	874,55	874,55	9.499,39	5,63