Polas ordes do 8 de outubro de 2001 (DOG nº 199, do 15 de outubro) e do 18 de decembro de 2001 (DOG nº 250, do 28 de decembro) convocáronse procesos selectivos para o ingreso en distintas escalas do corpo facultativo superior da Xunta de Galicia (grupo A) e do corpo de auxiliares técnicos da Xunta de Galicia, (grupo D); unha vez elevadas a definitivas as propostas de aspirantes que superaron estes procesos selectivos nas escalas de enxeñeiros de montes e de axentes forestais polas ordes do 22 de xullo de 2003 (DOG nº 145, do 29 de xullo) e do 26 de xuño de 2003 (DOG nº 131, do 8 de xullo), e co obxecto de que os aspirantes que superaron os ditos procesos accedan á condición de funcionarios coa maior brevidade posible, esta consellería

DISPÓN:

Convoca-los aspirantes que superaron os procesos selectivos para o ingreso no corpo facultativo superior da Xunta de Galicia (grupo A), escala de enxeñeiros de montes e no corpo de auxiliares técnicos da Xunta de Galicia, (grupo D), escala de axentes forestais, para a elección de destino provisional, en

único chamamento, no salón de actos pequeno da Consellería da Presidencia, Relacións Institucionais e Administración Pública sito no soto desta consellería no edificio administrativo de San Caetano en Santiago de Compostela o día 16 de outubro de 2003, ás 10.00 horas.

Os aspirantes poderán elixir segundo a orde acadada no proceso selectivo convocado pola Orde do 8 de outubro de 2001 entre os postos que se relacionan no anexo I (escala de enxeñeiros de montes) e pola Orde do 18 de decembro de 2001 entre os postos que se relacionan no anexo II (escala de axentes forestais).

Os aspirantes deberán ir provistos de DNI ou outro documento que acredite fidedignamente a súa personalidade.

Os que non comparezan persoalmente poderán ser representados por terceiras persoas con poder notarial suficiente.

Unha vez rematado o proceso de adxudicación das prazas ós aspirantes presentes ou representados, ós que non comparezan persoalmente nin por medio de representantes seranlles adxudicadas en destino provisional as prazas que lles correspondan atendendo á orde de publicación destas e ó número obtido nos procesos selectivos, entre as que quedasen sen adxudicar.

Santiago de Compostela, 7 de outubro de 2003.

Jaime Pita Varela

Conselleiro da Presidencia, Relacións Institucionais

e Administración Pública

ANEXO I

Enxeñeiros de montes

Listaxe ordenada por concello e código de posto.

ANEXO II

Axentes forestais

Listaxe ordenada por concello e código de posto.

CONSELLERÍA DE CULTURA, COMUNICACIÓN SOCIAL

E TURISMO