Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, sométese a información pública a petición de autorización administrativa e a aprobación do proxecto de execución da instalación eléctrica que se cita:

Solicitante: Unión Fenosa Distribución, S.A.

Domicilio social: avda. de Arteixo, 171, 15007 A Coruña.

Denominación: L.M.T.S., C.T. r/ nova apertura.

Situación: Carral.

Características técnicas: liña eléctrica subterránea de media tensión, a 15 kV, baixo tubo e con conductor R.H.V. 12/20 kV de 3(1x240) mm Al, de 355 m de lonxitude, coa orixe na liña SME 703 Carral, no tramo entre o C.T. Belvís de Paleo e C.T. Os Chas e C.T. en r/ nova apertura, que se vai instalar.

Centro de transformación en baixo de edificio de vivendas, de 250 kVA e tensións de 15/0,380-0,220 kV en r/ nova apertura. Concello de Carral.

Todas aquelas persoas ou entidades que se consideren afectadas poderán examina-lo expediente e presenta-las súas alegacións nesta delegación provincial, sita no edificio administrativo de Monelos, s/n, 15071 A Coruña, no prazo de vinte días, a partir da última publicación.

A Coruña, 18 de agosto de 2003.

Manuel Estévez Mengotti

Delegado provincial da Coruña en funcións