Dando cumprimento ó disposto na Lei 13/1991, do 9 de decembro, procede regula-los prezos de inscrición para a asistencia ó congreso internacional Forovol do voluntariado social ó voluntariado ambiental que levará a cabo a Dirección Xeral do Voluntariado da Consellería de Familia, Xuventude, Deporte e Voluntariado.
A Lei 13/1991, que regula as taxas, prezos e exencións, dispón no seu artigo 6 que a contía destes será acordada por orde da consellería correspondente, logo do informe favorable da Consellería de Economía e Facenda. Por todo isto,
DISPOÑO:
Artigo único.
1. Os prezos privados esixibles pola inscrición no congreso internacional FOROVOL Do voluntariado social ó voluntariado ambiental, son os que se fixan
no anexo a esta orde e xestionarase de acordo co disposto na normativa vixente en materia de prezos privados.
2. Estes prezos entenderanse, se é o caso, co IVE incluído.
Disposición derradeira
Facúltase a directora xeral do Voluntariado para dictar, no ámbito das súas competencias, as resolucións precisas para o desenvolvemento desta orde.
Santiago de Compostela, 17 de setembro de 2003.
Pilar Rojo Noguera
Conselleira de Familia, Xuventude,
Deporte e Voluntariado
ANEXO
A inscrición no congreso internacional Forovol Do voluntariado social ó voluntariado ambiental, terá dúas tarifas:
1. Contía que deberán paga-las persoas que posúan o Carné Xove, Carné Máis, carné universitario ou título de familia numerosa.
-Contía por persoa: 15 euros.
2. Contía que deberán paga-las persoas que non se atopen nas circunstancias anteriores.
-Contía por persoa: 30 euros.