Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, sométese a información pública a petición de autorización administrativa e a aprobación do proxecto de execución da instalación eléctrica que se cita:

Solicitante: U.D.E.S.A.

Domicilio social: r/ Madrid, 1, baixo, 15707 Santiago de Compostela.

Denominación: L.M.T.S., C.T. polígono do Acevedo.

Situación: Cerceda.

Características técnicas: liña eléctrica subterránea de media tensión, a 20 kV, baixo tubo e con conductor R.H.V. 18/30 kV, de 3(1x150) mm Al, de 310 m de lonxitude, con orixe na liña Celtibox e final no C.T. polígono do Acevedo.

C.T., en caseta prefabricada de formigón, de 250 kVA e tensións de 20/0380-0,220 kV, no polígono do Acevedo-Cerceda.

Todas aquelas persoas ou entidades que se consideren afectadas poderán examina-lo expediente e presenta-las súas alegacións nesta delegación provincial, sita no edificio administrativo de Monelos, s/n, 15071 A Coruña, no prazo de vinte días, a partir da última publicación.

A Coruña, 7 de agosto de 2003.

Manuel Estévez Mengotti

Delegado provincial da Coruña en funcións