En cumprimento do disposto no artigo 93 do Real decreto lexislativo 2/2000, do 16 de xuño, polo que se aproba o texto refundido da Lei de contratos das administracións públicas, faise pública a adxudicación dos contratos que a continuación se relacionan:

1. Entidade adxudicadora.

a) Organismo: Concello de Lugo.

b) Dependencia que tramita o expediente: Servicio de Contratación e Asuntos Xerais.

2. Obxecto do contrato.

a) Tipo de contrato: xestión de servicios públicos.

b) Descrición do obxecto.

1.1. A redacción dos documentos técnicos, administrativos e económicos seguintes:

a) O proxecto de construcción das obras e instalacións do complexo mediambiental de tratamento (planta de reciclaxe e concompostaxe) de residuos sólidos urbanos e asimilabres -no sucesivo RSUxerados no municipio de Lugo.

b) O proxecto de explotación do complexo citado.

c) O Plan municipal de xestión de RSU do Concello de Lugo, que conterá as determinacións e documentos establecidos na lexislación estatal e autonómica e as prescricións que lle sexan de aplicación do Plan autonómico galego de RSU.

d) O estudio de impacto ou efectos ambientais.

e) Os demais estudios, documentos e proxectos necesarios para defini-las obras e instalacións do complexo citado e para a obtención das licencias, autorizacións e permisos que legalmente sexan esixibles para a súa execución, posta en funcionamento e explotación.

f) O regulamento do servicio.

1.2. A construcción da planta e instalacións indicadas de acordo cos pregos de cláusulas administrativas particulares e de bases ou prescricións técnicas, cos seus respectivos proxectos e coa declaración de efectos ambientais e licencias, permisos e autorizacións administrativas outorgadas.

1.3. A xestión do servicio de tratamento dos RSU do Concello de Lugo e explotación integral do complexo medioambiental, de conformidade co Plan de Xestión de RSU de Lugo, cos pregos, proxectos e permisos, licencias e autorizacións sinalados nos dous parágrafos anteriores desta cláusula.

c) Boletín ou diario oficial e data de publicación do anuncio de licitación: BOP número 285, do 13-12-2002; DOG número 242, do 17-12-2002; BOE número 303, do 19-12-2002 e no DOCE.

3. Tramitación, procedemento e forma de adxudicación.

a) Tramitación: ordinaria.

b) Procedemento: aberto.

c) Forma: concurso.

4. Orzamento base de licitación.

Importe total: non se fixa orzamento previo dado que son os licitadores os que presentarán os anteproxectos necesarios para a execución do obxecto do contrato.

5. Adxudicación.

a) Data: 7 de abril de 2003.

b) Contratista: Urbaser, S.A.

c) Nacionalidade: española.

d) Importe de adxudicación: 12.627.785,37 euros.

Lugo, 22 de agosto de 2003.

José Clemento López Orozco

Alcalde